اتالمىش جوبانى قارجىلاندىرۋعا 750 ملن تەڭگە ءبولىنگەن, ونىڭ 500 ملن تەڭگەسىن ۇلىتاۋ وبلىسىنىڭ اكىمدىگى, 250 ملن تەڭگەسىن وتباسى بانك قوستى.
نەسيەلەندىرۋگە ۇلىتاۋ وبلىسىندا جۇمىس ىستەيتىن كەلەسى قىزمەت سالالارىنىڭ جاس ماماندارى قاتىسا الادى:
- دەنساۋلىق ساقتاۋ – دەنساۋلىق ساقتاۋ سالاسىنداعى مەملەكەتتىك ۇيىمداردىڭ شتاتتىق قىزمەتكەرلەرى;
- ءبىلىم بەرۋ – ءبىلىم بەرۋ سالاسىنداعى مەملەكەتتىك ۇيىمداردىڭ (سونىڭ ىشىندە مەملەكەتتىڭ قاتىسۋى 100% قۇرايتىن اق جانە كەاق) پەداگوگيكالىق ۇجىمى;
- مادەنيەت – مەملەكەتتىك مادەنيەت ۇيىمدارىنىڭ مامانداندىرىلعان قىزمەتكەرلەرى;
- سپورت – مەملەكەتتىك ۇيىمداردا قىزمەت ىستەيتىن سپورتشىلار مەن جاتتىقتىرۋشى-وقىتۋشىلار;
- بۇقارالىق اقپارات قۇرالدارى – رەسمي تىركەلگەن باق-نىڭ شتاتتىق قىزمەتكەرلەرى;
- جوو – جوعارى وقۋ ورىندارىنىڭ قىزمەتكەرلەرى;
- ءالەۋمەتتىك سالا – حالىقتى الەۋمەتتىك قورعاۋ سالاسىنداعى مەملەكەتتىك ۇيىمداردىڭ شتاتتىق قىزمەتكەرلەرى.
«Ulytau zhastary» باعدارلاماسىنا 18-دەن 35 جاسقا دەيىنگى (قوسا العاندا) ۇلىتاۋ وبلىسىنىڭ تۇرعىندارى قاتىسا الادى.
ايتا كەتەتىن تاعى ءبىر جايت - ۇمىتكەرلەردىڭ ءوتىنىش بەرگەن كەزدەگى رەسمي جۇمىس ءوتىلى سوڭعى 12 ايدان كەم بولماۋى ءتيىس. ناقتىراق ايتقاندا, قاتىسۋشىنىڭ جانە ونىمەن بىرگە تۇراتىن وتباسى مۇشەلەرىنىڭ سوڭعى ءبىر جىل بويى وبلىستا تۇراقتى تىركەۋءى بولۋى قاجەت. سونداي-اق قاتىسۋشى مەن ونىڭ وتباسى مۇشەلەرىنىڭ سوڭعى 5 جىل ىشىندە جىلجىمايتىن مۇلكى بولماۋى كەرەك.
« ۇلىتاۋ وبلىسىنىڭ اكىمدىگىمەن بىرلەسە وتىرىپ, وڭىرلىك جاستار باعدارلاماسى اياسىندا ىنتىماقتاستىق تۋرالى كەلىسىمگە قول قويدىق. وسىلايشا جاس ازاماتتاردىڭ جەرگىلىكتى جەرلەردەگى باسپانا ماسەلەسى شەشىءلىپ جاتىر. بۇل ولار ءۇشىن وتە ماڭىزدى. ويتكەنى, جەكە باسپانا – بولاشاققا دەگەن نىق سەنىم, وتباسىن قۇرۋعا, كاسىبي وسۋگە دەگەن ۇمتىلىس», دەدى «وتباسى بانك» اق باسقارما ءتورايىمى ءلاززات يبراگيموۆا.
وتباسى بانك پاتەر ساتىپ الۋعا بەرەتىن نەسيەنىڭ ەڭ جوعارعى سوماسى 20 ملن تەڭگە (ەگەر م ۇلىكتىڭ قۇنى 20 ملن تەڭگەدەن اساتىن بولسا, وندا ايىرماشىلىقتى قاتىسۋشى ءوز قاراجاتى ەسەبىنەن, بانكتىڭ اعىمداعى شوتىنا قوسسا بولادى). العاشقى جارنا كەم دەگەندە 10% بولۋى كەرەك. نەسيە بويىنشا سىياقى مولشەرلەمەسى جىلدىق 5%-دى (جتسم5,2%) قۇرايدى.
ايتا كەتسەك, نەسيەنى 19 جىلعا دەيىن الۋعا رۇقسات ەتىلگەن.
