وسى ماقساتتا ءونىم مەن قىزمەتتىڭ باسەكەگە قابىلەتتىلىگىن, ساتىلىم نارىعىنداعى ستاندارتتىڭ سايكەستىگى تۇتىنۋشىلار تالاپتارىن قاناعاتتاندىرۋدا ستاندارتتاۋ, سەرتيفيكاتتاۋ جانە مەترولوگيا ساپانىڭ باستى قوزعالىس كەپىلى رەتىندە ەسەپتەلەدى. اسىرەسە, حالىق شارۋاشىلىعى ءۇشىن مەترولوگيانىڭ قىزمەتى اسا جوعارى.
ەلىمىزدە جىل سايىن 20 ملرد ولشەم بىرلىگى جۇرگىزىلىپ, بارلىق وڭىرلەرىندە 18 اككرەديتتەلگەن زەرتحانا, جوعارى دالدىكتەگى 2 مىڭنان اسا ەتالوندىق جابدىق بىرلىگى مەن 20 مىڭنان استام باعىنىستاعى ولشەۋ قۇرالى بار.
تاۋەلسىز مەملەكەتتەر دوستاستىعىنىڭ ۇكىمەتارالىق ۇيىمى «ستاندارتتاۋ, سەرتيفيكاتتاۋ جانە مەترولوگيا» جونىندەگى مەملەكەتارالىق كەڭەس تۋرالى ەرەجەگە سايكەس جۇمىستاردى ۇيىمداستىرىپ ءارى جۇرگىزىپ كەلەدى.
ستاندارتتار بيۋروسى قىزمەتكەرلەرىنىڭ نەگىزگى فۋنكتسيونالدىق مىندەتتەرىنە ستاندارتتاۋدىڭ IGU حالىقارالىق جانە ISO ايماقتىق ۇيىمى مەترولوگيا مەن سەرتيفيكاتتاۋ بويىنشا ەۋرو-ازيا كەڭەسىندە تمد-نىڭ 2030 جىلعا دەيىنگى دامۋ تۇجىرىمداماسى بەكىتىلگەن. بۇل رەتتە ەكونوميكالىق دامۋ ستراتەگياسى تەحنيكالىق رەتتەۋدى, مەملەكەتارالىق ستاندارتتاۋدى, مەترولوگيانى, سايكەستىكتى باعالاۋدى, اككرەديتتەۋدى, حالىقارالىق ۇيىمداردىڭ نورمالارى مەن ەرەجەلەرىنە ساي جۇكتەلگەن ىنتىماقتاستىق باعىتتار اياسىندا جۇمىستار ىسكە اسىرىلۋدا.
وسىعان وراي ساۋدا جانە ينتەگراتسيا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ وكىلدەرى تاياۋدا ماسكەۋ قالاسىندا وتكەن «شەكاراسىز مەترولوگيا» فورۋمىنا قاتىستى.
مەملەكەتارالىق كەڭەستىڭ مەترولوگيا جونىندەگى عىلىمي-تەحنيكالىق كوميسسياسىنىڭ 57 جانە مەترولوگيا سالاسىنداعى نەگىزگى قۇجاتتارعا بايلانىستى جۇمىس توبىنىڭ 22-وتىرىسىنا قازاقستان, قىرعىزستان, ارمەنيا, بەلارۋس, رەسەي, تاجىكستان جانە وزبەكستان ەلدەرى مەترولوگيا, اككرەديتتەۋ جونىندەگى ۇلتتىق ورگاندارى مەن تمد-نىڭ اتقارۋشى كوميتەتىنىڭ جانە ستاندارتتار بيۋروسىنىڭ ماماندارى بولدى.
شاراعا قاتىسۋشىلار ولشەم بىرلىگىن قامتاماسىز ەتۋ سالاسىنداعى نورماتيۆتىك قۇجاتتاردى ازىرلەۋ جانە قايتا قاراۋ بويىنشا بىرقاتار ماڭىزدى ماسەلەلەردى تالقىلادى.وندا پمگ 06-عا «سىناق ناتيجەلەرىن تانۋ جانە ولشەۋ قۇرالدارىنىڭ ءتۇرىن, باستاپقى تەكسەرۋدى, مەترولوگيالىق اتتەستاتتاۋدى بەكىتۋ ءتارتىبى» جاڭا رەداكتسياسىندا ەسكەرتۋلەر مەن ۇسىنىستاردى, مەملەكەتتىك تەكسەرۋ سحەمالارىنا ەلدەردە قولدانىلاتىن مەملەكەتارالىق ستاندارتتار مەن مەملەكەتتىك تەكسەرۋ سحەمالارىنا مەملەكەتارالىق ستاندارتتاردى جويۋ جونىندەگى ۇسىنىستار تۋرالى ۇلتتىق ورگانداردىڭ اقپاراتتارى قارالىپ, ولشەم بىرلىگىن قامتاماسىز ەتۋ بويىنشا نەگىزگى نورماتيۆتىك قۇجاتتاردى ازىرلەۋ جانە قايتا قاراۋ باعدارلاماسىن ىسكە اسىرۋدا بەلگىلەنگەن باعدارلاما ماقۇلداندى.
ستاندارتتاۋ بويىنشا حالىقارالىق كەڭەسى مەن مەترولوگيا سالاسىنداعى عىلىمي-تەحنيكالىق كوميسسياسىنىڭ الدىڭعى وتىرىسىندا قابىلدانعان شەشىمدەرگە وراي, ۇسىنىمداردىڭ ورىندالۋى جانە ولشەم بىرلىگىن قامتاماسىز ەتۋدەگى جۇمىستار تالقىلانعانى بار. 2030 جىلعا دەيىنگى كەزەڭگە ارنالعان سحك دامۋ ستراتەگياسىن جۇزەگە اسىرۋدا 2015 جىلى 29 مامىرداعى ولشەۋ قۇرالدارىنىڭ ءتيپىن بەكىتۋ, مەترولوگيالىق اتتەستاتتاۋ, تەكسەرۋ جانە كاليبرلەۋ ماقساتىندا سىناق ناتيجەلەرىن ءوزارا تانۋ تۋرالى كەلىسىم اياسىندا ءبىراز ماسەلە قارالىپ, قاتىسۋشىلار قولدانىستاعى ولشەۋ قۇرالدارىن تەكسەرۋارالىق ينتەرۆالىنا سالىستىرمالى تالداۋ جۇرگىزۋدە قازاقستان-2, بەلارۋس-4, رەسەي-64 جانە وزبەكستان-2 ءتيپتى مەملەكەتارالىق ستاندارتتاۋ ۇلگىلەرى رەتىندە تانۋ مۇمكىندىگى جونىندە ۇلتتىق ورگانداردىڭ ۇسىنىستارى ماقۇلداندى.
