اقپاراتتار اعىنى

● مەتاللۋرگ كۇنىنە وراي سالانىڭ ۇزدىكتەرى ماراپاتتالدى. ونى ۇلتتىق كاسىپكەرلەر پالاتاسى جۇرگىزدى. سالتاناتتى جيىندا سالانىڭ ءبىر توپ ماڭدايالدى قىزمەتكەرلەرىنە «كەنشى داڭقى», «ەڭبەك داڭقى» مەرەكەلىك ءتوس­بەلگىلەرى تاپسىرىلدى. سونىمەن قاتار, قايتا جاڭعىرعان «قۇرمەتتى مەتاللۋرگ», «قۇرمەتتى كەنشى» بەلگىلەرى دە ءوز يەلەرىن تاپتى. ● قازاقستاندا جۇزەگە اسىرىلاتىن ۇزدىك الەۋمەتتىك جوبا انىقتالادى. ول ەكىنشى رەسپۋبليكالىق بايقاۋدىڭ قورىتىندىسىندا بەلگىلى بولادى. سىناق ايماقتاردا ماۋسىم, شىلدە ايلارىندا ءوتىپ, قىركۇيەك ايىندا رەسپۋبليكالىق كورمەمەن اياقتالادى. ● «نازارباەۆ ۋنيۆەرسيتەتى» تەحنوپاركىندە بىرەگەي عىلىمي جوبالار تانىستىرىلدى. كەشە جۇزەگە اسقان بۇل جۇمىستاردىڭ بارىسىندا ءبىلىم جانە عىلىم ءمينيسترى اسلان ءسارىنجىپوۆ كوممەرتسيالاندىرۋ جەلىسى بويىنشا ىرىكتەلىنگەن قازاقستاندىق عالىمداردىڭ جوبالارىن كوردى. اتاپ ايتقاندا, مينيسترگە كەڭسەلىك قاعازداردى قايتا وڭدەۋ ءادىسى, گيدروفوبتى كومپوزيتتى ماتەريالداردى شىعارۋ, سكانەرلەۋشى زوندتى نانوتوموگراف, ونلاين وقىتۋ ءۇشىن ءاداپتيۆتى اتتەستاتسيانىڭ تەحنولوگيالارى, قازاقشا سوزدەردى تانۋعا ارنالعان زياتكەرلىك جۇيە جانە باسقا دا جوبالار كورسەتىلدى. ● وڭتۇستىك قازاقستان وبلى­سىنىڭ قازىعۇرت اۋدانىندا تامشىلاتىپ سۋارۋ ءادىسى كەڭ ءورىس الدى. وسىنداعى «قىزىلقياسۋ» جشس الما باۋىنداعى 8,6 گا المالى القاپتا كوشەتتەر ينتەنسيۆتى تەحنولوگيا ارقىلى تامشىلاتىپ سۋارىلادى. كومپانيا باسشىسى ەرجان مادىبەكوۆ مۇندا «گولدەن دەليشەس», «رەد دەليشەس», «گالا», «فۋدجي», «گرەنني سميت» سۇرىپتى كوشەتتەر وتىرعىزىلعانىن ايتتى. ● قىزىلوردا وبلىسىندا يندۋستريالاندىرۋ كارتاسى نىساندارىندا 500-دەن استام جۇمىس ورنى اشىلادى. بيىلعى جىلى جالپى قۇنى 4,2 ملرد. تەڭگە بولاتىن 4 جوبا جۇزەگە اسىرىلادى دەپ جوسپارلانعان, قازىر ءبىر جوبا ىسكە قوسىلدى. حيميالىق رەاگەنتتەر وندىرەتىن «حۋا يۋ ينتەرناتسيونال» جشس جوباسىنىڭ قۇنى 500 ملن. تەڭگە, قۋاتتىلىعى جىلىنا 2 مىڭ توننا ءونىم شىعارۋعا مۇمكىندىك بەرەدى. ● شىمكەنتتە ءشامشى قال­داياقوۆتىڭ تۋعان كۇنىنە وراي ءداس­تۇرلى ءان اپتالىعى باستالعالى وتىر. ونى ۇيىمداستىراتىن وڭتۇستىك قازاقستان وبلىستىق مادەنيەت باسقارماسى تامىزدىڭ 13-ىندە اشىلاتىن فەستيۆالدەگى بارلىق شارالاردى بەلگىلەپ بەردى. ● قوستانايدا مۇمكىندىگى شەك­تەۋلى جاندار بي ارباسىنا قول جەتكىزدى. ول قالاداعى «نادەجدا-ءۇمىت» قايىرىمدىلىق قورىنىڭ بىلتىر وبلىس اكىمىنە ءوتىنىش ءبىل­دىرۋى ارقىلى مۇمكىن بولدى. بي­لىك باسىنداعىلار جارىمجان جان­داردىڭ بۇل ءوتىنىشىن اياقاستى ەتپەي, بيگە ارنالعان بەس بىردەي مۇگەدەك ارباسىن سىيعا تارتتى. حابارلار «قازاقپارات», BNews.kz, اlau.kz, Altaynews.kz, Egemen.kz سايتتارىنىڭ دەرەكتەرى بويىنشا دايىندالدى.