اۋە قاتىناسى اشىلادى

2020 جىلعا  دەيىنگى كەزەڭگە ارنالعان  مەملەكەتتىك باعدارلاما اياسىندا  ەلىمىزدە 11 ەلدى مەكەنگە جەرگىلىكتى اۋە قاتىناسىن اشۋ جوسپارلانسا, ونىڭ يگىلىگىن  وبلىس ورتالىعىنان الىس جاتقان ءۋاليحانوۆ اۋدانىنىڭ تۇرعىندارى  كورەتىن بولادى.  بۇل ماقسات ءۇشىن  رەسپۋبليكالىق قازىنادان 200 ميلليون تەڭگەگە جۋىق قارجى  ءبولىنىپ,  پەتروپاۆل–كىشكەنەكول باعىتىنداعى اۋە قاتىناسىن جاڭعىرتۋدىڭ جوباسىن  جۇزەگە اسىرۋ قولداۋ تاپتى.  كولىك  جۇيەسى ينفراقۇرىلىمىن دامىتۋدىڭ  مەملەكەتتىك باعدارلاماسىنا جاۋاپتىلاردىڭ سوزىنە قاراعاندا,  ءبىرىنشى كەزەكتە جاسقايرات, قۋلىكول, قاراتال سەكىلدى قوعامدىق كولىكتىڭ قاتىناۋى وتە قيىن تۇكپىردەگى اۋىلداردىڭ تۇرىندارىنىڭ ءجۇرىپ-تۇرۋى جەڭىلدەيدى. سول سياقتى كورشىلەس  اۋداندار جۇرتشىلىعى دا ونىڭ قىزمەتىن كورە الادى. قازىر 12 ورىندى ۇشاقتار قاتىنايتىن  اەرودروم قۇرىلىسى ءۇشىن جەر تەلىمدەرى جانە  جوبالاۋ-سمەتالىق قۇجاتتارىن ازىرلەۋ  ءۇشىن جەرگىلىكتى بيۋدجەتتەن 30 ميلليون تەڭگە  قاراستىرىلعان. ءومىر ەسقالي, «ەگەمەن قازاقستان». سولتۇستىك قازاقستان وبلىسى, ءۋاليحانوۆ اۋدانى.