«قازگيدرومەت» رمك اقپاراتىنا سايكەس, اتموسفەرالىق فرونتالدى بولىمدەردىڭ وتۋىمەن ەلدىڭ باسىم بولىگىندە نايزاعاي ويناپ, جاڭبىر جاۋادى.
سينوپتيكتەردىڭ بولجامى بويىنشا رەسپۋبليكانىڭ سولتۇستىگىندە عانا جاۋىن-شاشىنسىز اشىق اۋا رايى ساقتالادى.
ەل بويىنشا جەلدىڭ كۇشەيۋى, باتىستا, وڭتۇستىكتە شاڭدى داۋىل, سولتۇستىكتە تۇمان بولادى دەپ بولجانىپ وتىر.
اتىراۋ, اقتوبە, ماڭعىستاۋدىڭ وڭتۇستىگىندە, قوستاناي وبلىسىنىڭ سولتۇستىگىندە, باتىسىندا اپتاپ ىستىق كۇتىلەدى.
ماماندار قوستاناي, اقمولا, سولتۇستىك قازاقستان, اقتوبە وبلىستارىنىڭ باسىم بولىگىندە جوعارى ءورت قاۋپى ساقتالاتىنىن ەسكەرتتى.
«قىزىلوردا وبلىسىنىڭ باسىم بولىگىندە, شىعىسىندا, پاۆلودار قالاسىنىڭ ورتالىعىندا, اتىراۋ, قاراعاندى شىعىسىندا, ۇلىتاۋدىڭ ورتالىعىندا, اباي وبلىسىنىڭ سولتۇستىگىندە, شىعىسىندا توتەنشە ءورت قاۋپى ساقتالادى», دەلىنگەن سينوپتيكتەردىڭ حابارلاماسىندا.
استانادا اۋىسپالى بۇلت, قىسقا مەرزىمدى جاڭبىر, نايزاعاي بولجانادى. تۇندە اۋا تەمپەراتۋراسى +14+16°س, كۇندىز +31+33°س.
الماتىدا كۇن بۇلتتى بولسا دا, جاۋىن-شاشىن كۇتىلمەيدى. سولتۇستىك-شىعىستان سوعاتىن جەلدىڭ ەكپىنى 2-7 م/س دەيىن جەتەدى. اۋا تەمپەراتۋراسى تۇندە +11+13°س, كۇندىز +25+27°س.
شىمكەنتتە دە جاۋىن-شاشىن بولمايدى. شىعىستان سوعاتىن جەلدىڭ ەكپىنى - 8-13, كۇندىز ەكپىنى 15-20 م/س بولادى. تۇندە اۋا تەمپەراتۋراسى + 17 + 19°س, كۇندىز + 32 + 34°س.
