تاراپتار كەلىسسوز بارىسىندا قازاقستان مەن بجكب-نىڭ بوسقىندار مەن باسپانا ىزدەپ جۇرگەن ادامداردىڭ قۇقىقتارىن قورعاۋ, سونداي-اق ازاماتتىعى جوقتىقتى ودان ءارى بولدىرماۋ سالاسىنداعى ىنتىماقتاستىقتىڭ وزەكتى ماسەلەلەرى مەن ءوزارا ءىس-قيمىلىنىڭ كەلەشەك باعىتتارىن تالقىلادى.
سەناتور قازاقستان ءوزىنىڭ حالىقارالىق-قۇقىقتىق مىندەتتەمەلەرىن ۇدايى ورىنداي وتىرىپ, بۇل جۇمىستى جۇيەلى نەگىزدە جۇزەگە اسىرىپ كەلە جاتقانىن اتاپ ءوتتى.
قازاقستان ارالاس كوشى-قون سالاسىنداعى وڭىرلىك ىنتىماقتاستىق پەن ۇيلەستىرۋدى ىلگەرىلەتەتىن 9 ەل اياسىنداعى الماتى پروتسەسىنە قاتىسادى. قازاقستاندا بوسقىندارعا بەرىلەتىن جول ءجۇرۋ قۇجاتتارى يكاو ستاندارتتارىنا سايكەس ولاردىڭ ەلىمىزدەن تىس جەرلەردە ءجۇرۋىن قامتاماسىز ەتەدى.
ء«بىزدىڭ ەلىمىز ادامداردىڭ ازاماتتىعى جوق بولۋىن ازايتۋ, بوسقىنداردى, ىشكى قونىس اۋدارعان ادامداردى, سونداي-اق ازاماتتىعى جوق ادامداردى قورعاۋ جانە گۋمانيتارلىق كومەك كورسەتۋ بويىنشا بەلسەندى ءىس-قيمىل جاساپ كەلەدى. وسىلايشا, بوسقىندار ماسەلەلەرى جونىندەگى جاھاندىق فورۋمدى ىسكە اسىرۋعا ناقتى ۇلەس قوسىلىپ وتىر. ءبىز الداعى ۋاقىتتا دا وڭىردەگى بجكب-نىڭ ءتيىمدى سەرىكتەسى بولىپ قالۋعا جانە كوشى-قوننىڭ بارلىق تۇرلەرى سالاسىنداعى وسىنداي ءوزارا ءىس-قيمىلدى كەڭەيتۋگە نيەتتەنىپ وتىرمىز», دەدى اسقار شاكىروۆ.
يندريكا راتۆاتتە ىنتىماقتاستىقتىڭ اعىمداعى دەڭگەيىن وڭ باعالادى جانە بۇۇ بجكب قازاقستان رەسپۋبليكاسىنا, ونىڭ ىشىندە ۋاكىلەتتى ورگاندارعا ساراپتامالىق كونسۋلتاتسيالار بەرۋ, سونداي-اق ۇلتتىق كوشى-قون زاڭناماسىن جەتىلدىرۋگە جاردەمدەسۋدى جالعاستىرۋعا دايىن ەكەنىن ءبىلدىردى.
قازاقستان مەن بۇۇ بجكب كەزدەسۋ قورىتىندىسى بويىنشا بوسقىنداردىڭ قۇقىقتارىن قورعاۋ سالاسىنداعى ىنتىماقتاستىقتى ودان ءارى نىعايتۋ تۋرالى ۋاعدالاستىققا قول جەتكىزىلدى.
سەناتورلار مۇرات قادىربەك, اليشەر ساتۆالديەۆ جانە قايرات تاستەكەەۆ, سونداي-اق بۇۇ-نىڭ قازاقستانداعى تۇراقتى ۇيلەستىرۋشىسى ميكاەلا فريبەرگ-ستوري جانە بۇۇ-نىڭ ورتالىق ازيا بويىنشا بوسقىندار جونىندەگى جوعارعى كوميسسارى باسقارماسىنىڭ وكىلى حانس فريدريح شوددەر كەزدەسۋگە قاتىستى.
