مۇحتار يساەۆتىڭ مۇراعاتىنان
عالىم قۇندى مۇرانى 2022 جىلى «بولاشاق» ستەپەندياسى باعدارلاماسى بويىنشا ماسكەۋدە م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە عىلىمي تاعىلىمدامادان ءوتىپ جۇرگەن كەزىندە تاپقان.
ماسكەۋ ارحيۆىندەگى ىزدەنىستەر ناتيجەسىندە تابىلعان جاھانشا دوسمۇحامەدوۆتىڭ «قازاقتىڭ ادەت زاڭىنىڭ نەگىزگى ۇيعارىمدارى جانە ولاردى جۇزەگە اسىرۋشى ورگان رەتىندەگى حالىق سوتى» تاقىرىبىنداعى ديپلوم جۇمىسى 1910 جىلى جازىلعان.
«مۇنداي جۇمىستى جازۋ سول كەزەڭدەگى جوعارى وقۋ ورنىنىڭ ەرەجەسىنە سايكەس تەك وقۋ ۇلگەرىمى جوعارى جانە ەمتيحان ناتيجەلەرىن ۇزدىك اياقتاعان ستۋدەنتتەرگە عانا رۇقسات ەتىلەتىن بولعان.
ج.دوسمۇحامەدوۆ اتالعان ەڭبەكتىڭ كىرىسپەسىندە «اقمولا, تورعاي جانە ورال وبلىستارىنداعى قىرعىز شارۋاشىلىعىن زەرتتەۋ بويىنشا كوشى-قون باسقارماسى (پەرەسەلەندىك) ەكسپەديتسياسىنىڭ قۇرامىندا ستاتيست رەتىندە ءۇش جىل قىزمەت ەتە ءجۇرىپ, قازىنالىق جۇمىستان بوس ۋاقىتىمدى قىرعىزداردىڭ (قازاقتاردىڭ) قۇقىقتىق بولمىسىن زەرتتەۋگە ارنادىم جانە جەتكىلىكتى ماتەريالدار جيناقتاعان سوڭ بارلىعىن بىرىكتىرىپ قازاقتاردىڭ كۇندەلىكتى قۇقىقتارىنىڭ جيناعىن شىعارۋدى ويلادىم» دەپ جازادى. سونداي-اق, ەكسپەديتسيا جۇمىستارىنان تىس ۋاقىتتا جوعارىدا اتالعان وبلىس قازاقتارى اراسىنداعى اقساقالداردان اۋىزشا سۇحباتتاسۋ ارقىلى قازاق قۇقىقتىق ادەت-عۇرىپتارىن, زاڭدىق نورمالارى مەن ەرجەلەرىن جيناقتايدى. كانديداتتىق جۇمىستا قاراستىرىلعان ماسەلەنىڭ ج.دوسمۇحامەدوۆ ءومىر سۇرگەن كەزەڭ ءۇشىن عانا ەمەس, اۆتوردىڭ ءوز تىلىمەن ايتقاندا, «جالپى قۇقىقتىق دامۋ» ءۇشىن دە قۇندىلىعى جوعارى. سونىمەن قاتار زەرتتەۋ جۇمىسىندا پاتشالىق ساياسات ىقپالىنداعى قازاق حالقى ءۇشىن ۇستانىپ وتىرعان قۇقىقتىق ەرەجەلەرىنىڭ كەمشىلىكتەرىن سىني تۇرعىدان قاراستىرىپ, قازاق قۇقىقتىق ەرەجەلەرىمەن سالىستىرا وتىرىپ اشىپ كورسەتەدى», دەدى مۇحتار يساەۆ قازاقپارات سايتىنا بەرگەن سۇحباتىندا.
