سپورت ينفراقۇرىلىمىن قارجىلاندىرۋ, جوندەۋ جانە قايتا جابدىقتاۋ جۇمىستارى جەرگىلىكتى اكىمدىكتەردىڭ قۇزىرەتىنە كىرەدى.
اتاپ ايتقاندا, اقتوبە, الماتى, جەتىسۋ, قاراعاندى, ماڭعىستاۋ وبلىستارىنىڭ ارقايسىسىندا 4 سپورت نىسانى سالىنادى.
جامبىل جانە ۇلىتاۋ وبلىستارىندا 3 سپورت نىسانى سالىنسا, اباي, اتىراۋ, تۇركىستان وبلىستارىندا 2 نىساننىڭ قۇرىلىسى جوسپارلانعان. اقمولا, باتىس قازاقستان, قىزىلوردا جانە پاۆلودار وبلىستارىنىڭ ارقايسىسىندا 1 سپورت نىسانى جاڭادان بوي كوتەرەدى.
بۇدان بولەك, بيىل جۇمىس ىستەپ تۇرعان سپورت نىساندارىن رەكونسترۋكتسيالاۋ باعىتىندا 9 نىساندى جوندەۋدەن وتكىزۋ قاراستىرىلعان.
مادەنيەت جانە سپورت مينيسترلىگى ازىرلەگەن قازاقستان رەسپۋبليكاسىنىڭ دەنە شىنىقتىرۋ مەن سپورتتى دامىتۋدىڭ 2023-2029 جىلدارعا ارنالعان تۇجىرىمداماسىنا ساي 2029 جىلعا قاراي ەلىمىزدە جاڭادان 113 سپورت نىسانىن قولدانىسقا بەرۋ جوسپارلانعان. سونداي-اق 20 سپورت نىسانىن جاڭعىرتىپ, مودەرنيزاتسيالاۋدى جانە 6 سپورت نىسانىن قايتا جابدىقتاۋعا نيەتتى.
«دەنە شىنىقتىرۋ جانە سپورتپەن جۇيەلى تۇردە اينالىساتىن ازاماتتارىمىزدىڭ سانىن ارتتىرۋ ءۇشىن وڭىرلەردە, اسىرەسە اۋىلدىق جەرلەردە سپورت ينفراقۇرىلىمىن دامىتۋ قاجەت. مادەنيەت جانە سپورت مينيسترلىگى جاڭا سپورت نىساندارىن سالۋ باعىتىندا بەلسەندى جۇمىس جۇرگىزىپ جاتىر. 7 وبلىستا 10 دەنە شىنىقتىرۋ-ساۋىقتىرۋ كەشەنى سالىندى. 2029 جىلعا دەيىن جاڭادان 113 سپورت نىسانىنىڭ قۇرىلىسى جوسپارلانىپ وتىر. سونداي-اق اكىمدىكتەرمەن از شىعىندى قاجەت ەتەتىن, ءمودۋلدى سپورت الاڭدارىن سالۋ باعىتىندا دا بىرلەسە جۇمىس اتقاراتىن بولامىز», دەدى مادەنيەت جانە سپورت ۆيتسە-ءمينيسترى سارسەن قۇرانبەك.
