ۆەنا قۇجاتى – ماڭىزدى كەلىسىم

ءىس-شاراعا ازەربايجان، بەلارۋس، گەرمانيا، يتا­ليا، قىرعىزستان، موڭعو­ليا، نيدەر­لاند، تاجىكستان، تۇرىك­مەنستان، فرانتسيا ۆەريفي­كاتسيا­لىق ورتا­لىقتارىنىڭ، سونداي-اق ەقىۇ جانە اوسشك وكىلدەرى قاتىستى.

سەميناردى اشقان قورعانىس مينيسترلىگى قارۋ-جاراقتى باقىلاۋ جانە ينسپەكتسيالاۋدى قامتاماسىز ەتۋ ورتالىعىنىڭ باستىعى، پولكوۆنيك قانات اۋ­باكىروۆ قاتىسۋشىلارعا العى­سىن ءبىلدىرىپ، ەقىۇ-نىڭ اس­تاناداعى باعدارلامالار كەڭسە­سىنە ۇزاق ۋاقىت جانە جە­مىس­تى ىنتىماقتاستىعى مەن قول­داۋى ءۇشىن العىسىن ءبىلدىردى.

– ۆەنا قۇجاتى – ەقىۇ قىزمەتىنىڭ ادەتتەگى قارۋ تۇر­لەرىنىڭ دەڭگەيىن باقىلاۋ جانە سەنىم مەن قاۋىپسىزدىك شارالارىن نىعايتۋ جونىندەگى ەلدەر اراسىنداعى قارىم-قاتىناس­تاردا ىنتىماقتاستىققا، اشىق­تىققا جانە ۆەريفيكاتسيا رەجى­مىن ساقتاۋعا نەگىزدەلگەن پار­مەندى قۇرالدارىنىڭ ءبىرى، – دە­گەن ول بۇل كەلىسىمنىڭ ماڭىزدى ەكەنىن اتاپ ءوتتى. قور­عا­نىس مينيسترلىگىنىڭ وكىلى ارىپتەستەرىن ەلىمىزدىڭ قارۋ-جاراقتى باقىلاۋ جانە جاپپاي قىرىپ-جويۋ قارۋىن تاراتپاۋ سالاسىنداعى حالىقارالىق ءوزارا ءىس-قيمىلدىڭ ارقاشان بەلسەندى قاتىسۋشىسى بولىپ قالا بەرەتىنىن جەتكىزدى.

استانا قالاسىنداعى ەقىۇ باعدارلامالار كەڭسەسى باس­شىسىنىڭ ورىنباسارى يۋري فەنوپەتوۆ پەن اوسشك باس حات­شىسىنىڭ ورىنباسارى چي فان حانىم ءسوز الىپ، قازاق­ستان، بەلارۋس، يتاليا، گفر، فرانتسيا، بەنيليۋكس ەلدەرىنىڭ قارۋ-جاراقتى باقىلاۋ سالا­سىن­داعى ۇكىمەتارالىق ۇيى­مى، ورتالىق ازياداعى قاۋىپ­سىزدىكتى نىعايتۋدىڭ ەقىۇ باعدارلاماسى كەڭسەسىنىڭ تاجىري­بە­لەرى تانىستىرىلدى.

ءىس-شارانىڭ تاجىريبەلىك بولىگى اقمولا وڭىرلىك گارنيزو­نىنىڭ 68665 اسكەري بولىمىندە ءوتىپ، ءىس-شاراعا قاتىسۋشىلار ۆەنا قۇجاتى شەڭبەرىندە باعالاۋ بويىنشا وقۋ-جاتتىعۋدى تاماشالاپ كوردى.