جارمەڭكە جۇمىسسىزدىقتى ازايتا ما؟

«جاستار» سارايىن­دا­ ۇيىم­داس­تىرىلعان ءىس-شارا­دا­ جاستار الەۋ­ەتتى جۇمىس بەرۋ­شى­لەرمەن اڭگىمەلەسىپ، كاسىبىن قا­لاي­ باستاۋ جانە جۇرگىزۋ تۋرالى قا­جەتتى اقپاراتپەن قانىقتى. سون­داي-اق جان-جاقتان جيىلعان كوپ­شى­لىككە جارمەڭكەدە شاعىن نەسيەلەر، جۇمىسپەن قامتۋعا جاردەمدەسۋ شارا­لارى، «جاسىل ەل» جوباسىنىڭ مۇم­كىندىكتەرى ءتۇسىندىرىلدى. كەزدەسۋگە استانا قالاسىنىڭ جۇمىسپەن قام­تۋ جانە الەۋمەتتىك قورعاۋ باسقار­ما­سىنىڭ باسشىسى يليا سكۋب، «اگ­را­ر­­­لىق نەسيە كورپوراتسياسى» اق في­ليا­لى­نىڭ ديرەكتورى اسەت كوش­كىن­باەۆ، قالا اكىمدىگىنىڭ حالىقتى جۇمىس­پەن قامتۋ ورتالىعىنىڭ ديرەكتورى باقىت­بەك قابجانوۆ، «ستۋدەنتتىك قۇرى­لىس جانە جاستار وتريادتارىنىڭ رەسپۋب­ليكالىق قوزعالىسى» قق تور­اعا­­سىنىڭ ورىنباسارى اسىلبەك ابدۋ­را­شيتوۆ قاتىستى.

الاڭدا اگروكرەديتتىك كورپورا­تسيا، كاسىپكەرلەر پالاتاسى جا­نە حا­لىقتى جۇمىسپەن قامتۋ ورتالىعى وكىل­دەرىمەن كونسۋلتاتسيا­لار­ ۇيىم­داستىرىلدى. سونداي-اق كەز­دە­سۋ­دە­ «Fortebank» اق، وقۋ-اعارتۋ مينيس­ترلىگىنىڭ «ۇلتتىق تەس­­تى­­لەۋ ورتالىعى» رمقك، «بانك تسەنتر­­كرەديت» اق  استانا قالا­سىن­داعى فيليالى، «استانا تازا­لىق» جشس، استانا قالاسى بويىن­شا مەملەكەتتىك كىرىستەر دەپار­تا­مەن­تىنىڭ بايقوڭىر اۋدا­نى بويىنشا مەملەكەتتىك كىرىستەر باسقارماسى، قارجى مينيسترلىگى مەملەكەتتىك كىرىستەر كوميتەتى سەكىلدى 16 جۇمىس بەرۋشى كومپانيا بولدى.

ءىس-شارادا پايدالى اقپارات العان­داردىڭ ءبىرى – 27 جاستاعى ايدانا سادەن. كاسىپكەر كورشى قىتاي مەن تۇركيادان اياقكيىم جەتكىزەدى. بيز­نەس­پەن­ اينالىسقانىنا ءۇش جىل بولعان ارۋ­ كونكۋرستىق نەگىزدە جەڭىلدىكتى كرە­ديت بەرىلەتىنىن ەستىپ، سول جەردە بىر­دەن­ ءوتىنىش بەردى.

«مەن ءوز بيزنەسىمدى كەڭەيتۋ ءۇشىن مەملەكەتتەن 2،5%-بەن 5 ميلليون تەڭ­گە الدىم. بۇل – تاماشا مۇم­كىن­دىك. بۇل قاراجاتتى 5 جىل ىشىندە قاي­تا­رامىن. بيزنەس اشۋدى جوسپارلاپ وتى­ر­عان جاستارعا وسى مۇمكىندىكتى پاي­دالانۋدى ۇسىنامىن. شاعىن نەسيە­ 21 جاستان 35 جاسقا دەيىنگى جاس كاسىپ­كەرلەرگە بەرىلەدى ەكەن»، دەدى ەلور­دا­لىق كاسىپكەر.

ءبىر ايتا كەتەرلىگى، ايدانا سە­كىل­دى مەملەكەتتىڭ جاساپ جاتقان مۇم­كىندىكتەرىنەن بەيحابار جاس­تار ءالى دە بار. ءتىپتى كەيبىرەۋلەرى اتىن ەستىسە دە، شارتىن بىلە بەرمەۋى ىقتيمال. سوندىقتان مۇنداي جار­مەڭكەلەردى ءجيى وتكىزۋ ماڭىزدى. استانا قالاسىنىڭ جۇمىسپەن قامتۋ ورتالىعىنىڭ ءىس-شارانى وتكىزۋدەگى باستى ماقساتى وسى. ياعني مەملەكەتتىك باعدارلامالاردىڭ تەتىگىن ءتۇسىندىرىپ، ىنتالى جاس كاسىپكەرلەرگە جول اشۋ. بۇعان قوسا NEET ساناتىنداعى ازاماتتاردىڭ قاتارىن ازايتۋ.

ارناگۇل ۋاتقان،

ل.ن.گۋميلەۆ اتىنداعى

ەۇۋ 3-كۋرس ستۋدەنتى