«وداق قۇرۋداعى نەگىزگى ماقساتتاردىڭ ءبىرى – ءۇشىنشى ەلدەردەن بارىنشا كۇشتى, ۇيلەسىمدى بىرلەسكەن ۇستانىم نەگىزىندە ءتيىمدى ساۋدا شارتتارىن الۋ. ينتەگراتسيالانعان ۇيىمدارمەن, ەلدەرمەن جۇيەلى ديالوگتى جالعاستىرۋ ماڭىزدى. ولارمەن ارىپتەستىك ورناتۋ ءبىز ءۇشىن ەكونوميكالىق مۇددەنىڭ ماسەلەسى», دەدى مەملەكەت باسشىسى.
سونىمەن قاتار, ول وداقتىڭ ءۇشىنشى ەلدەرمەن ارىپتەستىك ورناتۋ شارالارىن تەزدەتۋدى ۇسىندى.
«كوميسسيانىڭ بىرىككەن اراب امىرلىكتەرىمەن, ۇندىستانمەن, مىسىرمەن, يندونەزيامەن, يزراليلمەن ەركىن ساۋدا ايماعى تۋرالى كەلىسىم بەكىتۋ باعىتىنداعى جۇمىستاردى جەدەل اياقتاعانى ابزال.
شىۇ, ASEAN, مەركوسۋر جانە وزگە دە حالىقارالىق ۇيىمدارمەن ءوزارا ءىس-قيمىلدى ساپالى تۇردە كۇشەيتۋ كەرەك. مۇنداي ارىپتەستىككە قىزىعۋشىلىق ول جاقتان دا بار دەپ ويلايمىن», دەدى قاسىم-جومارت توقاەۆ.
كەڭەستىڭ كەڭەيتىلگەن قۇرامداعى وتىرىسىنا قازاقستان پرەزيدەنتىمەن قاتار رەسەي فەدەراتسياسىنىڭ پرەزيدەنتى – جەەك توراعاسى ۆلاديمير پۋتين, ارمەنيا پرەمەر-ءمينيسترى نيكول پاشينيان, بەلارۋس پرەزيدەنتى الەكساندر لۋكاشەنكو, قىرعىزستان پرەزيدەنتى سادىر جاپاروۆ, سونداي-اق ازەربايجان پرەزيدەنتى يلحام اليەۆ قاتىساتىنى ايتىلعان بولاتىن.
