24 مامىر كۇنى وتكەن ءماجىلىس وتىرىسىندا جۋرناليستەر «وقۋ جىلىنىڭ ۇزارتىلعانى ءوزىن اقتامادى» دەپ, جاڭا فورماتقا سىن ايتقان ەدى. تىلشىلەردىڭ ايتۋىنشا, ارنايى ۇزارتىلعان ۋاقىتتا بالالار ساباق وقىماي, وقۋلىقتارىن تاپسىرادى نەمەسە سىنىپ ساعاتتارىن وتكىزەدى.
اسحات ايماعامبەتوۆ وسى كەزەڭدە بالالارىنىڭ ساباق وقيتىنىن ايتتى. ونىڭ ايتۋىنشا, ءار وڭىردە جاعداي وزگەشە سيپات الادى.
«ەگەر وقۋلىقتار ازىردەن جينالىپ الىپ جاتسا, بۇل سۇراقتى ماعان ەمەس, وقۋ-اعارتۋ مينيسترلىگىنە قويۋ كەرەك. ارىپتەستەرىم ماسەلەنى دەر كەزىندە شەشىپ جاتقانىنا سەنىمدىمىن», دەدى اسحات ايماعامبەتوۆ
ول ساياسي جۇمىستا مينيستر نەمەسە باسقا مەملەكەتتىك قىزمەتكەر بارلىعىنا بىردەي ۇنايتىن شەشىمدەردى قابىلداماۋى كەرەك ەكەنىن ەسكە سالدى.
«ۇنامايتىن, مۇمكىن قازىر تۇسىنبەيتىن, بىراق ەلگە, مەملەكەتكە, بالالارعا قاجەت شەشىم بولسا, ونى ۇناسا دا, ۇناماسا دا قابىلداي ءبىلۋ كەرەك. مىسالى, ءبىز مەكتەپ ديرەكتورلارىنىڭ جۇمىس ىستەۋ مەزىمىن 5 جىلمەن شەكتەدىك. بۇل ديرەكتورلارعا ۇنادى دەپ ويلايسىز با؟ ارينە, ۇنامايدى. مىسالى, ءبىز جوو ءبىتىرىپ, مۇعالىم بولعىسى كەلەتىندەرگە «ەندى مەكتەپكە تۇرۋ ءۇشىن ديپلوم عانا ەمەس, ءوز ءپانىڭ بويىنشا تەست تاپسىر» دەدىك. وقۋ بىتىرگەن ماماننىڭ 90%-ى تەستىلەۋدەن وتە المادى. سوعان بايلانىستى ءبىز 50-گە جۋىق ۋنيۆەرسيتەتتىڭ ليتسەنزياسىن الىپ قويدىق. بۇل ۋنيۆەرسيتەتكە دە, وندا وقىعان تۇلەكتەرگە دە ۇنامايتىن شەشىم. بىراق بۇل شەشىم كەرەك پە؟ كەرەك. ەگەر سول شەشىمدى قابىلداي تۇرىپ, جۇمىستان كەتۋگە ءماجبۇر بولساڭ, سوندا دا قابىلداۋ كەرەك. مەنىڭ ويىمشا, بۇل ءتاسىل ءبىلىم سالاسىندا وتە ماڭىزدى», دەپ ويىن اياقتادى اسحات ايماعامبەتوۆ.
