ءدۇبىرلى دودادا قازاقستاننىڭ بىرنەشە ويىنشىسى ونەر كورسەتۋدە. جارىستىڭ العاشقى كۇنى كيريلل گەراسيمەنكو يراندىق امين احمادياندى 4:1 ەسەبىمەن ۇتتى. ودان كەيىن كيريلل جۇپتىق باسەكەدە دە ءوزىن جاقسى قىرىنان كورسەتتى. الان قۇرمانعاليەۆ ەكەۋى ساۋد ارابياسىنىڭ وكىلدەرى ءالي ءالحادراۆي مەن ابدۋلازيز بۋ ءشۋلايبيدى شاڭ قاپتىرىپ كەتتى – 3:1. ال زاۋرەش اقاشەۆا مەن اناستاسيا لاۆروۆا جۇبى نەمىس قىزدارى اننەتت كاۋفمانن مەن سابينا ۆينتەرگە ەسە جىبەردى – 1:3.
28 مامىرعا دەيىن سوزىلاتىن دۋربانداعى دودادا اتالعان ويىنشىلاردان بولەك, ايدوس كەنجەعۇلوۆ (ارالاس جۇپتىق سايىس), دەنيس جولۋدەۆ (جۇپتىق سايىس), ساعىنتاي قۇرمامباەۆ (جۇپتىق سايىس) جانە سار-ۆينوز مىرقادىروۆا (جەكە سايىس) سىندى جەرلەستەرىمىز ونەر كورسەتۋدە.
