قازاقستان تەننيس فەدەراتسياسىنىڭ حابارلاۋىنشا, دودانىڭ ءۇشىنشى راكەتكالارى بولىپ تىركەلگەن قازاقستاندىق تەننيسشى مەن ماجارستاندىق تيمەيا بابوش العاشقى اينالىمدا چەحيالىق اناستاسيا دەتيۋك – ۆەنەسۋەلالىق اندرەا گاميسپەن شەبەرلىك بايقاستى.
تارتىستى وتكەن ءبىرىنشى پارتيادا قازاقستاندىق-ماجارستاندىق دۋەت تاي-برەيكتە جەڭىستى ج ۇلىپ الدى – 7:6 (7:3). ەكىنشى سەتتە دەتيۋك پەن گاميسكە ەش مۇمكىندىك قالدىرمادى – 6:0.
الەمنىڭ 61-راكەتكاسى يۋليا پۋتينتسەۆا ماروككو استاناسى راباتتا ءوتىپ جاتقان WTA 250 ءتۋرنيرىن جەڭىسپەن باستادى. توپىراق توسەنىشىندە ءوتىپ جاتقان جارىستىڭ العاشقى اينالىمىندا قازاقستاندىق تەننيسشى دۇنيەجۇزىلىك رەيتينگتە 1230-ورىندا تۇرعان ماروككولىق ايا ەل-اۋنيمەن شەبەرلىك بايقاستى.
ءبىرىنشى پارتيادا ءۇش برەيك جاساعان پۋتينتسەۆا ايقىن باسىمدىلىق كورسەتتى – 6:1. ول ەكىنشى سەتتە دە 3:0 ەسەبىمەن العا كەتىپ 6:4 ەسەبىمەن جەڭدى.
يۋليا پۋتينتسەۆا جۇلدە قورى 259 303 اقش دوللارىنا باعالانعان دودانىڭ شيرەك فينالىنا شىعۋ ءۇشىن الەمنىڭ 129-راكەتكاسى, فرانتسيالىق لەوليا جانجانمەن كەزدەسەدى.
