2013 جىلى راشيد ايۋپوۆ پرەمەر-مينيستر كەڭسەسىنىڭ قىزمەتكەرى بولا وتىرىپ, ءىرى جەكە مەنشىك كومپانياسىنىڭ مەنشىك يەسىن جاۋاپتى لاۋازىمدى تۇلعالارعا اسا ءىرى سومادا پارا بەرۋگە كوندىردى. وسى ءۇشىن قۇرىلىس بويىنشا تەندەردە جەڭىستى قامتاماسىز ەتۋگە ۋادە بەردى. تالاپ ەتىلگەن سومانى الىپ, وزىنە قالدىرىپ, اقشاسىنىڭ ءبىر بولىگىن استانا قالاسىنان جاڭا ءۇي, قىمبات تۇراتىن اۆتوكولىك جانە بىرنەشە جۇك تەحنيكاسىن ساتىپ الۋعا جۇمسادى.
«ول اسا ءىرى كولەمدە پارا بەرۋگە ارانداتۋ جانە الاياقتىق ارەكەتتەرى ءۇشىن تەرگەۋ سوتىنىڭ سانكتسياسىمەن قاماۋدا وتىر», دەپ حابارلادى انتيكور.
قازىر قىلمىستىق ءىس ماتەريالدارى قابىلدانعان شەشىمنىڭ زاڭدىلىعىن تەكسەرۋ جانە ودان ءارى سوتقا جولداۋ ءۇشىن استانا قالاسىنىڭ پروكۋراتۋراسىنا تاپسىرىلدى.
تەرگەۋ مۇددەسىنە ساي وزگە اقپارات جاريا ەتىلمەيدى.
«كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى», دەلىنگەن حابارلامادا.
