اتالعان نورما فەرمەرلەرگە اسا قاجەت امموني نيتراتى جانە امموفوس سياقتى تىڭايتقىشتار تۇرلەرىنە قاتىستى. ىشكى نارىقتى, اسىرەسە, كوكتەمگى ەگىس ماۋسىمى كەزىندە وسى تىڭايتقىشتارمەن قامتاماسىز ەتۋ ماڭىزدى, بۇل ماقساتتا ۇكىمەت ولاردىڭ قۇنىن 50 پايىز كولەمىندە سۋبسيديالايدى. ۇكىمەتتىڭ ايتۋىنشا, باعانىڭ تومەندىگىن الىپساتارلار دا پايدالانىپ كەتىپ جاتىر. وسىلايشا, كەدەن ورگاندارى ەلىمىزدە سۋبسيديالاناتىن تىڭايتقىشتاردى وندىرۋشىلەردەن بولەك نارىق سۋبەكتىلەرى ەكسپورتتاعان فاكتىلەردى دە تىركەۋدە. بۇل وتاندىق اگراريلەردىڭ سۇرانىسىن قامتاماسىز ەتۋگە كەرى اسەر ەتەدى.
سوندىقتان ۇكىمەت تىڭايتقىشتاردىڭ وسى تۇرلەرىن تەك ولاردى وندىرۋشىلەرگە عانا ەكسپورتتاۋعا ايرىقشا قۇقىق بەرۋ تۋرالى شەشىم قابىلدادى. وتاندىق اگراريلەردىڭ تىڭايتقىشتارعا دەگەن سۇرانىسى ءوڭىر اكىمدىكتەرىنىڭ وتىنىمدەرىنە سايكەس باسىم تارتىپپەن قامتاماسىز ەتىلمەك.
ايتا كەتۋ كەرەك, قابىلدانعان قاۋلى نەگىزىندە زاڭدا بەلگىلەنگەن مەرزىمدە ءتيىستى ليتسەنزيالار بەرۋ ءتارتىبىن رەتتەيتىن بىرقاتار نورماتيۆتىك-قۇقىقتىق اكتىلەر ازىرلەنەدى. يندۋستريا جانە ينفراقۇرىلىمدىق دامۋ مينيسترلىگىنىڭ يندۋستريالىق دامۋ كوميتەتى ليتسەنزيا بەرۋمەن اينالىسادى.
