«Jetisu IT-Hub» – مينيسترلىك پەن «استانا حاب» جانە جەتىسۋ وبلىسى اكىمدىگىمەن بىرلەسە اتقارىلعان جوبا. حاب جۇمىسى نەتۆوركينگتى دامىتۋعا, تاجىريبە الماسۋعا, HR-يۆەنتتەردى, وقىتۋ باعدارلامالارى مەن شەبەرلىك سىنىپتارىن وتكىزۋگە, speed-رەكرۋتينگكە باعىتتالعان. ودان بولەك, ورتالىققا پەرسونالدى باسقارۋ تيىمدىلىگىن ارتتىرۋ جانە 2025 جىلعا IT قىزمەتتەرىنىڭ ەكسپورتىنا قول جەتكىزۋ مىندەتى دە جۇكتەلگەن.
اشىلۋ سالتاناتىندا مينيستر دارحان قىدىرالى مۇنداي ورتالىقتاردىڭ جاستار ءۇشىن اسا ماڭىزدى ەكەنىن اتاپ ءوتتى. «بۇل ءبىزدىڭ العاشقى جوبامىز جانە ول جەتىسۋ جەرىنەن باستاۋ الىپ جاتىر. پرەزيدەنت جاستارعا ۇلكەن ءمان بەرىپ, قامقورلىق جاساپ كەلەدى. تاياۋدا مەملەكەت باسشىسى جاستار ساياساتى تۋرالى زاڭعا قول قويدى. زاڭ بويىنشا جاستار ساناتى 35-كە دەيىن ۇلعايتىلعانىن بىلەسىزدەر. جاستار ساياساتى تۋرالى تۇجىرىمداما قابىلداندى. جالپى, جاستارعا ارنالعان «Jas project» جانە «تاۋەلسىزدىك ۇرپاقتارى» سەكىلدى جوبالار جاس بۋىننىڭ دامۋىنا ەرەكشە سەرپىن بەرەدى», دەدى مينيستر.
جاڭا تەحنوپاركتە جاستار ساياساتى تۋرالى تۇجىرىمداماعا ساي تسيفرلىق ساۋاتتىلىق بويىنشا وڭىرلەردەگى 1,5 ملن جاستى وقىتۋ جوسپارلانىپ وتىر. جاستار ورتالىعى جانىنداعى «Jetisu IT-Hub» تا وسى مەجەنى ورىنداۋى قاجەت. حابتا جاستار ءوز ستارتاپتارىن جاساپ, كاسىپكەرلىك جوبالارىن باستايدى.
«ماقسات – ستۋدەنتەرگە IT ستارتاپ جوبالاردى جاساۋعا كومەكتەسۋ. ولار بىزگە يدەيا تۇرىندە كەلەدى ءبىز ولارعا ەڭبەكپەن مودەلگە قالاي جەتكىزۋگە بولاتىنىن تۇسىندىرەمىز. ءارى نارىققا شىعۋعا جول اشامىز. ماشىقتارىن ارتتىرىپ, جوبالارىن ىسكە اسىرۋعا سەپتەسەمىز», دەدى قالالىق «IT-Hub» مەنەدجەرى اسەل ق ۇلىنتاەۆا.
بۇدان بولەك, «Sumsung» كومپانياسىنىڭ قولداۋىمەن «Sumsung Innovation Campus» كابينەتى اشىلعان. كامپۋستا 15 جاس ازامات ءبىلىم الىپ جاتىر. جاستار تەندەنتسياسىنا سايكەس «no code» باعدارلاماسى ارقىلى جوبا جاسالۋدا. وسى رەتتە مينيستر جاستارعا ساتتىلىك تىلەپ, ورتالىق پەن «IT-hub» جاڭا تالانتتارعا جولا اشادى دەگەن سەنىم ءبىلدىردى.
حابتىڭ بىرەگەيلىگى – باعدارلامالاۋ, دەرەكتەردى تالداۋ, ماشينالىق وقىتۋ الگوريتمدەرى, كيبەر قاۋىپسىزدىك, قوسىمشالاردى ازىرلەۋ وقىتۋشىسىز جانە دارىستەرسىز جۇرگىزىلەدى. جاسوسپىرىمدەر تاجىريبەلىك ماسەلەلەردى شەشۋمەن قاتار, IT نەگىزدەرىن وزدىگىنەن ۇيرەنىپ, بۇل سالاعا ەندى كەلگەندەرگە كومەكتەسەدى. ماماندار بۇل IT مەن كرەاتيۆ يندۋسترياعا باسىمدىق بەرە وتىرىپ, قالا ەكونوميكاسىندا «قۇرىلىمدىق مانەۆردى» دامىتۋعا جول اشاتىن ينفراقۇرىلىمدىق جوبا ەكەنىن ايتادى.
ساپار بارىسىندا مينيستر «جەتىسۋ» تەلەارناسى ۇجىمىمەن كەزدەسىپ, ارنانىڭ تىنىس-تىرشىلىگىمەن تانىستى. ارنايى ستۋديالاردى ارالاپ, تەلەجۋرناليستەرگە كاسىبي شەبەرلىگى ءۇشىن العىس ءبىلدىردى. تەلەراديو كومپانياسىنىڭ شىعارماشىلىعىنا تابىس تىلەپ, وسى مەجەدەن تۇسپەيتىنىنە سەنىم ءبىلدىردى.
«جەتىسۋ» – وڭىردە بولعانىنا قاراماستان, بۇكىل رەسپۋبليكامىزعا, جالپى شەتەلگە تارايتىن ماڭدايالدى, بەتكە ۇستار ارنالاردىڭ ءبىرى. حالىقتىڭ جۇرەگىندە قالعان بەيسەن قۇرانبەكتىڭ ءسوزى مەن كوزى. بۇگىندە تەلەكومپانيا بەيسەن باۋىرىمىز باستاعان ۇلكەن جولدى ابىرويمەن جالعاستىرىپ كەلەدى», دەدى د.قىدىرالى.
بۇدان كەيىن ۆەدومستۆو باسشىسى ب.ريموۆا اتىنداعى تالدىقورعان قالالىق تەاترىندا جەتىسۋ جۇرتشىلىعىمەن ديدارلاسىپ, حالىقتىڭ كوكەيىندە جۇرگەن سۇراقتارىنا جاۋاپ بەردى. كەزدەسۋدەن سوڭ مينيستر جەكە سۇراقتارى بار ازاماتتاردى قابىلداپ, ماسەلەلەرىنە قۇلاق ءتۇردى.
جەتىسۋ وبلىسى
