قازاق قۋانىشى مەن قايعىسىن دومبىرانىڭ ۇنىمەن جەتكىزگەن. ءتىپتى قازا كورگەن جۇرەككە سوزبەن ەمەس كۇيمەن كوڭىل ايتقان. سونداي كۇيدىڭ ءبىرى قوجەكە كۇيشىنىڭ «قوس كەلىنشەگى».
قازاقتىڭ دالاسى سەكىلدى كوڭىلى دە كەڭ عوي, شىركىن! كوشپەندى سالتىمىزدا جولاۋشى جولىنداعى ۇيگە توقتاپ, تۇسە بەرەتىن. قوجەكە كۇيشى دە جەتىسۋدان قونىس اۋدارىپ كەلە جاتقاندا ءبىر قاراشا ۇيگە توقتايدى. ءجون سۇراسا كەلىپ, قارا جامىلىپ وتىرعان ءۇي ەكەنىن بىلەدى. ەكى ايەل جەسىر قالعان. سودان كەيىن كۇيشى بىردەن دومبىراسىن الىپ, كۇي شەرتە باستايدى. ارتىنان كۇيدىڭ ءمانىن سۇراعاندا «مىنا قارالى بولىپ وتىرعان قوس كەلىنشەككە ايتىلعان كوڭىل, جۇباتۋ», دەيدى. كۇي سولاي «قوس كەلىنشەك» اتالعان ەكەن.
