جانىبەك پەن ستيۆەن باق وكىلدەرى ءۇشىن ءباسپاسوز ءماسليحاتىن وتكىزدى. ودان كەيىن ءداستۇر بويىنشا بوكسشىلاردىڭ رەسمي پىكىر الماسۋ ءراسىمى ءوتتى.
ءالىمحان ۇلى مەن باتلەر اراسىنداعى تيتۋلدىق جەكپە-جەك 14 مامىردا امەريكانىڭ ستوكتون قالاسىندا (كاليفورنيا) وتەدى.
«بۇل مەنىڭ ەكىنشى تيتۋلدى قورعاۋىم, مەن وعان جاقسى دايىندالدىم, مەن دە بارلىق تيتۋلداردى بىرىكتىرگىم كەلەدى. بۇل مەن ءۇشىن وڭاي جەڭىس بولاتىنىنا سەنىمدىمىن. مەن وتكەن كەزدەسۋدەگى قاتەلىكتەرىمدى ءبىلدىم. قازىر مەندە تاجىريبە بار. جاڭا فيزيكالىق جاتتىقتىرۋشى جانە جەكە تالىمگەر باددي ماكگيرت كوپ كومەكتەستى. باتلەردى بوكسشى رەتىندە قۇرمەتتەيمىن, بىراق رينگتە ول ءتىپتى ماعان تيىسە المايدى», دەدى جانىبەك ءالىمحان ۇلى.
ءوز كەزەگىندە ستيۆەن باتلەر جانىبەكتەن نوكاۋتپەن تيتۋلدى تارتىپ الاتىنىنا ۋادە بەردى.
جانىبەك ءاليحان ۇلى ءۇشىن بۇل جەكپە-جەك ەكىنشى تيتۋلدى قورعاۋ بولماق. ول 2022 جىلدىڭ قاراشاسىندا بريتاندىق دەنزەل بەنتليدى 12 راۋندتا جەڭگەن كەزدە ءبىرىنشى رەت ورتا سالماقتاعى WBO چەمپيون اتاعىن قورعادى.
