قارۋلى كۇشتەردى جاساقتاۋ ءۇشىن قاجەتتى مولشەردە اسكەرگە شاقىرۋدى كەيىنگە قالدىرۋعا نەمەسە بوساتۋعا قۇقىعى جوق 18 جاستان 27 جاسقا دەيىنگى ازاماتتار مەرزىمدى اسكەري بورىشىن وتەۋگە مىندەتتى. وسى ورايدا وڭىرلىك قورعانىس ىستەرى جونىندەگى دەپارتامەنت مەرزىمدى اسكەري قىزمەتكە 200-گە جۋىق ساربازدى شاقىرعان. مۇنى بىزگە وبلىستىق قورعانىس ىستەرى جونىندەگى دەپارتامەنتى پەرسونالمەن جۇمىس ىستەۋ جونىندەگى قىزمەتىنىڭ باسشىسى ماقسات بەيىسوۆ ايتىپ بەردى. ودان بولەك مەرزىمدى جانە كەلىسىمشارت بويىنشا اسكەري قىزمەتكە, سونداي-اق زاپاستاعى وفيتسەرلەرگە شاقىرۋ قالاي جۇرگىزىلىپ جاتقانىن دا باياندادى.
«مەملەكەتتىك كۇزەت قىزمەتى بولىمشەلەرىنىڭ شتاتتىق كەستەسى ءساۋىر ايىنىڭ سوڭىنا جوسپارلانعان. قازىرگى ۋاقىتتا وسى جىلدىڭ 20 مامىرىن قوسا العاندا قابىلداۋ جۇرگىزىلىپ جاتىر. قالا بويىنشا 791 ادام بار», دەيدى م.بەيىسوۆ.
ونىڭ ايتۋىنشا, مەملەكەتتىك كۇزەت قىزمەتى بولىمشەلەرىنىڭ شتاتتىق كەستەسى ءساۋىر ايىنىڭ سوڭىنا جوسپارلانىپ وتىر. قازىرگى ۋاقىتتا جيناقتاۋ وسى جىلدىڭ 20 مامىرىنا دەيىن جۇرگىزىلەدى. جەتىسۋ وبلىسىنداعى 8 قالالىق جانە اۋداندىق قورعانىس ىستەرى جونىندەگى باسقارمالاردا جوسپارلى تۇردە اسكەرگە قابىلداۋ ءۇزىلىسسىز ءوتىپ جاتىر. بيىل كوكتەمدە اسكەرگە شاقىرىلاتىندار سانى 791 ادام ەكەن.
«كەيبىر ماسەلەلەر اسكەرگە شاقىرۋ جۇمىستارىنىڭ ساپاسىنا ايتارلىقتاي اسەر ەتەدى. ماسەلەن, ازاماتتاردىڭ اسكەري قىزمەتتەن جالتارۋى نەمەسە باس تارتۋى, سونداي-اق اسكەري جاستاعى ازاماتتاردىڭ ىشكى كوشى-قونى. ازاماتتاردى اسكەري قىزمەتكە شاقىرۋ ناتيجەلەرى تەك جەرگىلىكتى اسكەري باسقارۋ ورگاندارىنىڭ عانا ەمەس, جەرگىلىكتى اتقارۋشى, دەنساۋلىق ساقتاۋ جانە ءبىلىم بەرۋ, قۇقىق قورعاۋ ورگاندارىنىڭ قاتىسۋ دارەجەسىنە, ولاردىڭ اسكەري مىندەت پەن اسكەري قىزمەت تۋرالى زاڭناما تالاپتارىن ورىنداۋىنا بايلانىستى», دەيدى تالدىقورعان قالاسى قىج باسقارماسىنىڭ مەملەكەتتىك قىزمەتتەر كورسەتۋ بولىمشەسىنىڭ سەرجانتى, قۇقىقتىق جۇمىستار جونىندەگى بولىمشە باستىعى نۇرسۇلۋ مۇساباەۆا.
كوكتەمگى اسكەرگە شاقىرۋ ناۋقانىنىڭ ەرەكشەلىگى – جاس بۋىنمەن جاساقتاۋ اۋماقتىق قاعيداتى بويىنشا وتكىزىلەدى. سونداي-اق ەكىنشى دەڭگەيلى بانكتەر تاراپىنان مەرزىمدى اسكەري قىزمەتتى وتەۋ كەزىندە قارىزدار مەن نەسيەلەردى كەيىنگە قالدىرۋ, نەسيەلىك كانيكۋلدار الۋ ءۇشىن مەرزىمدى اسكەري قىزمەتكە شاقىرىلعانداردىڭ وتىنىشتەرى قابىلدانادى.
شاقىرىلۋشى نەسيەلىك مىندەتتەرىن تۋىستارىنا ارتپاي, وتان الدىنداعى پارىزىن وتەي بەرەدى. مەرزىمدى اسكەري قىزمەتىن اتقارعاندار ۇبت ناتيجەسى ەسكەرىلمەي, اقىلى تۇردە جوعارى وقۋ ورىندارىنا تۇسە الادى. ال قىزمەت بارىسىندا جاقسى ناتيجە كورسەتكەن اسكەري قىزمەتشىلەر ەمتيحانسىز جانە ۇبت-سىز ۋنيۆەرسيتەت گرانتىنا تۇسۋگە مۇمكىندىك الادى. سونداي-اق مەرزىمدى اسكەري قىزمەتىن وتەگەن بارلىق اسكەري قىزمەتشىلەرگە جوو-نىڭ اسكەري كافەدراسىنا ەمتيحانسىز گرانت نەگىزىندە ءتۇسۋ قۇقىعى ۇسىنىلادى.
تاعى ءبىر اتاپ وتەتىنى, اسكەري قىزمەتكە جارامدى, جيىرما توعىز جاسقا دەيىنگى زاپاستاعى وفيتسەرلەر مەن وتىز ەكى جاسقا دەيىنگى مەديتسينالىق قىزمەتتىڭ زاپاستاعى وفيتسەرلەرى ۋاكىلەتتi ورگانداردىڭ وتiنiمدەرi بويىنشا ۇكiمەت قاۋلىسى نەگiزىندە بەيبiت ۋاقىتتا وفيتسەرلەر قۇرامىنىڭ لاۋازىمدارىندا اسكەري قىزمەتتى وتەۋ ءۇشىن اسكەرگە شاقىرىلادى.
جەتىسۋ وبلىسى
