قازىر ەكى ەلدىڭ قارىم-قاتىناسى «جان-جاقتى ماڭگىلىك ستراتەگيالىق سەرىكتەستىك» دەڭگەيىنە كوتەرىلىپ وتىر. سوندىقتان ۆيزالىق رەجىم ەكى ەل قاتىناستارىنىڭ دامۋىنا كەدەرگى كەلتىرمەيدى دەپ ايتۋعا نەگىز بار. كەرىسىنشە, ۆيزالىق رەجىم حالىقارالىق ءتارتىپتى ساقتاۋعا ءتيىمدى ەكەنىن كورسەتەدى.
قازاقستان مەن قىتاي اراسىنداعى ەكونوميكالىق بايلانىستار دا ايتارلىقتاي دامىپ كەلەدى. ويتكەنى بۇل بايلانىس ەكى ەلدىڭ ءبىر-بىرىنە قاجەتتىلىگى مەن ورتاق مۇددەسى نەگىزىندە ورناعان. ال كولىك ترانسپورت پەن لوگيستيكالىق بايلانىستارى حالىقارالىق سيپات الاتىندىقتان, بۇل باعىتتاعى ارىپتەستىك ۆيزالىق رەجىم بولسىن, بولماسىن ءوز ىرعاعىمەن دامي بەرەدى. ونى ەشكىم دە وزگەرتە المايدى. دەگەنمەن ءوز باسىم كەز كەلگەن ەلمەن ەتەنە بايلانىس جاساۋعا قاتىستى ساياساتتا اباي اتامىز ايتقانداي «اقىرىن ءجۇرىپ انىق باس, ەڭبەگىڭ كەتپەس دالاعا» دەگەن قاعيداتتى ۇستانۋدى دارىپتەيمىن.
ءنابيجان مۇقامەتحان ۇلى,
ءال-فارابي اتىنداعى قازۇۋ پروفەسسورى,
تاريح عىلىمدارىنىڭ دوكتورى
