9 مامىرعا دەيىن ارداگەرلەرىمىزدىڭ ارقايسىسىنا 1,5 ملن تەڭگەدەن بىرجولدىق سىياقى ۇلەستىرەدى. اسكەري قىزمەتتىڭ وزگە دە مiندەتتەرiن باسقا كەزەڭدەردە اتقارۋ كەزiندە جارالانۋى, كونتۋزيا الۋى, مەرتىگۋى سالدارىنان نەمەسە مايداندا بولۋىنا بايلانىستى مۇگەدەك بولعان اسكەري قىزمەتشىلەرگە – 100 مىڭ تەڭگەدەن, جالپى كولەمى 9 ملن تەڭگە تولەنەدى.
«ەكىنشى دۇنيەجۇزىلىك سوعىس كەزەڭىندە فاشيستەر مەن ولاردىڭ وداقتاستارى قۇرعان كونتسلاگەرلەردەگى, گەتتولارداعى جانە باسقا دا ماجبۇرلەپ ۇستاۋ ورىندارىنداعى كامەلەتكە تولماعان تۇتقىندارعا 100 مىڭ تەڭگەدەن, سوعىسىندا قازا تاپقان, حابار-وشارسىز كەتكەن جاۋىنگەرلەردىڭ اتا-انالارى جانە ەكىنشى رەت نەكەگە تۇرماعان جەسىرلەرىنە 60 مىڭ تەڭگەدەن ءبىر رەتتىك كومەك بەرىلەدى», دەيدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مىندەتىن اتقارۋشى ەرمەك ميزامباەۆ.
ونىڭ ايتۋىنشا, سوعىسقا قاتىسۋشىلارى مەن مۇگەدەكتەرى قاجەتتىلىكتەرىنە قاراي ەستۋ اپپاراتتارى, پروتەزدىك-ورتوپەديالىق بۇيىمدار سياقتى ءارتۇرلى تەحنيكالىق كومەكشى, گيگيەنالىق قۇرالدارمەن, سونداي-اق ساناتوري-كۋرورتتىق جولدامالارمەن ءبىرىنشى كەزەكتە قامتاماسىز ەتىلەدى.
ەكىنشى دۇنيەجۇزىلىك سوعىس جىلدارىندا تىلداعى قاجىرلى ەڭبەگى مەن ءمىنسىز قىزمەتى ءۇشىن بۇرىنعى كەڭەس وداعىنىڭ وردەندەرىمەن جانە مەدالدارىمەن ناگرادتالعان ادامدارعا, سونداي-اق 1941 جىلعى 22 ماۋسىمنان 1945 جىلعى 9 مامىرعا دەيىنگى ارالىقتا سوعىس جىلدارىندا كەمىندە التى اي جۇمىس ىستەگەن جانە تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن ناگرادتالعان ادامدارعا, سونداي-اق وسى كەزەڭدە مەدالدارمەن ماراپاتتالماعان ادامدارعا دا 60 مىڭ تەڭگەدەن تولەنەدى. وسى ساناتتاعى 2159 ادامعا جالپى سوماسى 129,5 ملن تەڭگەدەن استام قاراجات قاراستىرىلعان.
سونىمەن قاتار 2023 جىلدىڭ سوڭىنا دەيىن 6 جەكەلەگەن سانات بويىنشا ارداگەرلەرگە 150 مىڭ تەڭگە مولشەرىندەگى الەۋمەتتىك تولەم تولەنەدى. ولاردىڭ قاتارىندا اۋعانستانداعى ۇرىس قيمىلدارىنا قاتىسۋشىلار, سەمەي يادرولىق پوليگونىنداعى سىناقتاردان زارداپ شەككەندەر مەن چەرنوبىل اەس اپاتتىڭ سالدارىن جويۋعا قاتىسۋشىلار دا بار.
جەتىسۋ وبلىسى
