جەڭىس كۇنىنە ارنالعان مەرەكەلىك كونتسەرت ساعات 11:00-دە 28 گۆاردياشىل-پانفيلوۆشىلار ساياباعىنىڭ الاڭىندا وتەدى. قازاقستاندىق ارتىستەر سوعىستان كەيىنگى جىلدارداعى مايدانداعى جانە سوعىستان كەيىنگى اندەردى ورىندايدى.
قالادا ب.مومىش ۇلىنىڭ مونۋمەنتىنە, ت.بيگەلدينوۆ, ر.قوشقارباەۆتىڭ مەموريالدىق تاقتاسىنا, ا.مولداعۇلوۆا مەن م.مامەتوۆانىڭ, س.نۇرماعامبەتوۆتىڭ ەسكەرتكىشتەرىنە, س.لۋگانسكيدىڭ بيۋستىنە, «وتان ۇلدارىنا ماڭگىلىك ەستەلىك» جانە «وتان ءۇشىن شايقاستا قازا تاپقاندارعا ماڭگىلىك داڭق» مەموريالدارىنا گۇل شوقتارىن قويۋ ءراسىمى ۇيىمداستىرىلادى.
ءىس-شارانىڭ قۇرمەتتى قوناقتارى - ۇلى وتان سوعىسىنىڭ ارداگەرلەرى, تىل ەڭبەككەرلەرى, قوعام قايراتكەرلەرى, اسكەري قىزمەتشىلەر.
جەڭىس كۇنىن مەرەكەلەۋ ش.ءۋاليحانوۆ اتىنداعى سكۆەردە جانە جىبەك جولى-پانفيلوۆ كوشەلەرىندە ساعات 11.00-دەن باستاپ وتەدى. كونتسەرتتەر «الماتى اۋەندەرى» ارتىستەرىنىڭ, اباي اتىنداعى قۇوبت تەاترى سوليستەرىنىڭ, مۋزىكالىق توپتاردىڭ قاتىسۋىمەن وتەدى.
سونداي-اق قالا اكىمدىگى 50 مىڭ «جەڭىس لەنتاسىن» تاراتادى. ولاردى 28 گۆاردياشىل-پانفيلوۆشىلار ساياباعىندا, ورتالىق مادەنيەت جانە دەمالىس ساياباقتارىندا, مەرەكەلىك ءىس-شارالار وتەتىن باسقا دا جەرلەردە الۋعا بولادى.
مەكتەپتەر مەن كوللەدجدەردە اسكەري قىزمەتشىلەردى, ارداگەرلەردى, قاتارداعى ازاماتتاردى شاقىرا وتىرىپ, تاقىرىپتىق «ەرلىك ساباقتارى», سونداي-اق بالالاردى ءتۇرلى قورعانىس تۇرلەرىمەن تانىستىرۋ بويىنشا ساباقتار وتەدى.
مەرەكە اياسىندا ونلاين فورماتتا «ەر ەسىمى – ەل ەسىندە» («باتىرلارعا تاعزىم») اكتسيا-شەرۋ وتەدى. اكتسيا «ەر ەسىمى – ەل ەسىندە» ارنايى پلاتفورماسىندا وتەدى, وندا قازاق باتىرلارى تۋرالى اقپارات الۋعا بولادى.
سونداي-اق الماتى قالاسى اكىمىنىڭ, ونىڭ ورىنباسارلارى مەن اۋدان اكىمدەرىنىڭ قاتىسۋىمەن «ارداگەرلەرگە تاعزىم» قايىرىمدىلىق اكتسياسى اياسىندا ۇيلەرىنە بارىپ قىزمەت كورسەتىلەتىن جانە مەديتسينالىق-الەۋمەتتىك مەكەمەلەردەگى ۇلى وتان سوعىسىنىڭ قاتىسۋشىلارىن, مۇگەدەكتەرىن جانە تىل ەڭبەككەرلەرىن قۇتتىقتاۋ جوسپارلانعان.
جەڭىس كۇنىنە ارنالعان سالتاناتتى شارالار قالانىڭ بارلىق اۋداندارىندا وتەدى.
الاتاۋ اۋدانى:
ارداگەرلەر مەن جاستاردىڭ قاتىسۋىمەن «ەر ەسىمى – ەل ەسىندە» ەسكەرتكىشىنە گۇل شوقتارىن قويۋ 7 مامىر كۇنى تاڭعى ساعات 10:00-دە جانقوجا باتىر كوشەسى, 26 مەكەنجايداعى اۋدان اكىمدىگى عيماراتىنىڭ الدىندا بولادى. جەڭىس كۇنى مەن وتان قورعاۋشىلار كۇنىنە ارنالعان مەرەكەلىك ءىس-شارا 7 مامىردا ساعات 11:00-دە اتلەتتەر اۋىلىندا وتەدى.
المالى اۋدانى:
ۇلى وتان سوعىسىنداعى جەڭىس كۇنىنە ارنالعان كونتسەرتتىك باعدارلاما 9 مامىردا ساعات 11:00-دە ءا.مولداعۇلوۆا مەن م.مامەتوۆا اتىنداعى سكۆەردە وتەدى.
انىقتاما تەلەفونى: الماسبەك قۇرمانعاليەۆ, المالى اۋدانى اكىمى اپپاراتى مادەنيەت ءبولىمىنىڭ باس مامانى, 8 701 794 77 37.
اۋەزوۆ اۋدانى:
ۇلى وتان سوعىسىنداعى جەڭىس كۇنىنە ارنالعان مەرەكەلىك كونتسەرت 9 مامىردا ساعات 11:00-دە Family Park دەمالىس ساياباعىندا وتەدى.
جەتىسۋ اۋدانى:
ۇلى وتان سوعىسىنداعى جەڭىس كۇنىنە ارنالعان مەرەكەلىك كونتسەرت 9 مامىردا ساعات 11:00-دە «گۇلدەر» ساياباعىندا وتەدى.
ناۋرىزباي اۋدانى:
8 مامىر كۇنى ساعات 09:00-دە «ماڭگىلىك الاۋ» ەسكەرتكىشىنىڭ جانىندا, تاۋسامالى شاعىن اۋدانداعى جاندوسوۆ كوشەسى, 2-دە اۋدان اكىمىنىڭ, ۇوس جانە اۋعان سوعىسى ارداگەرلەرىنىڭ, تىل ەڭبەككەرلەرىنىڭ, جەلتوقسان وقيعاسى كۇرەسكەرلەرىنىڭ قاتىسۋىمەن گۇل شوقتارى قويىلادى. ساعات 11:00-دەن 14:00-گە دەيىن ءتورت ارداگەر ءوز ۇيلەرىندە اۋداننىڭ اتىنان قۇتتىقتالادى, سونداي-اق ولار ءۇشىن ۇرمەلى اسپاپتار وركەسترىمەن بىرگە اسكەري شەرۋ ۇيىمداستىرىلادى.
جەڭىس كۇنىنە ارنالعان «ەرلىك ءىزى وشپەيدى» مەرەكەلىك كونتسەرتى 9 مامىر كۇنى ساعات 11:00-دە اۋدان اكىمدىگى عيماراتىنىڭ الدىندا وتەدى (شۇعىلا شاعىن اۋدانى, 347).
تۇركسىب اۋدانى:
جەڭىس كۇنىنە ارنالعان مەرەكەلىك ءىس-شارا 9 مامىردا ساعات 11:00-دە س.سەيفۋللين اتىنداعى ساياباقتا وتەدى.
