قاتتى جەلدەن كەنتاۋ قالاسىنداعى مەكتەپ پەن كوللەدجدىڭ جانە تۇرعىن ۇيلەردىڭ شاتىرى ۇشىپ, حالىق ابىگەرگە ءتۇستى.
كەشە قالا ورتالىعىندا ورنالاسقان ى. التىنسارين اتىنداعى №1 مەكتەپتىڭ دە شاتىرى قۇلاپ, اۋلادا كەتىپ بارا جاتقان ۇستازدىڭ باسىنا تۇسكەن بولاتىن. بىردەن اۋرۋحاناعا جەتكىزىلگەن پەداگوگكە العاشقى دارىگەرلىك كومەك كورسەتىلدى.
«قازىر ناۋقاستىڭ جاعدايى ورتاشا. باسىنداعى ساماي بولىگىندەگى جاراقات تىگىلدى. ول تراۆماتولوگيا بولىمىندە ەم الىپ جاتىر», دەدى كەنتاۋ قالالىق ورتالىق اۋرۋحاناسىنىڭ باس دارىگەرى اسىلبەك ۋتەباەۆ.
