6-9 مامىر ارالىعىندا ەلوردانىڭ بارلىق اۋدانىندا مەرەكەنىڭ باستى رامىزدەرىنىڭ ءبىرى – ەستەلىك توسبەلگىلەر مەن جەڭىس لەنتالارىن تاراتۋ اكتسياسى وتەدى.
8 مامىرعا دەيىن اسكەري-پاتريوتتىق مۋزەيدە وقۋشىلارعا تەگىن ەكسكۋرسيالار وتكىزىلەدى.
وتان قورعاۋشىلار كۇنىنە وراي مەكتەپتەر مەن كوللەدجدەردە ەرتەڭگىلىكتەر, بىرىڭعاي سىنىپ جانە كۋراتورلىق ساعاتتار, «وتان ءۇشىن وت كەشكەندەر» اسكەري قىزمەتشىلەرمەن تاقىرىپتىق كەزدەسۋلەر ۇيىمداستىرىلادى.
5 مامىر كۇنى «دەمەۋ» قايتا الەۋمەتتەندىرۋ ورتالىعى وتان قورعاۋشىلار تۋرالى فيلم كورسەتەدى.
7 مامىردا مەرەكەلىك كونتسەرتتەر «بايتەرەك» – «وتانىم – اماناتىم» مونۋمەنتىنىڭ جانىندا - ساعات 18:00-دەن 22:00-گە دەيىن جانە Nomad City Hall - «جەڭىس جولى» عيماراتىنىڭ جانىندا ساعات 12:00-دە وتەدى.
ساعات 15:00-دە جانە 19:00-دە مۋزىكالىق جاس كورەرمەن تەاترى «گاۋھارتاس» مۋزىكالىق دراماسىنا شاقىرادى.
7-9 مامىر ارالىعىندا ۇركەر تۇرعىن الابىندا №5573 اسكەري ءبولىمنىڭ ۇرمەلى اسپاپتار وركەسترىنىڭ دالالىق اسحاناسى مەن كونتسەرتى ۇيىمداستىرىلادى. وسى كۇندەرى «اقجول» اۋلا كلۋبى ايتۋلى ەكى مەرەكەگە وراي كونتسەرتتىك باعدارلاما دايىنداپ وتىر.
8 مامىر كۇنى كەشكى ساعات 19:00-دە Nomad City Hall-دا كورەرمەندەر د.يسابەكوۆتىڭ «تىنىشتىق كۇزەتشىسى» دراماسىن تاماشالاي الادى.
2-10 مامىر ارالىعىندا «جانسايا» الەۋمەتتىك قىزمەت كورسەتۋ ورتالىعىندا جەڭىس كۇنىنە ارنالعان اندەر, ولەڭدەر مەن قولونەر بايقاۋى وتكىزىلەدى.
5-8 مامىر ارالىعىندا ءبىلىم بەرۋ ۇيىمدارىندا «ارامىزداعى ارداگەر» چەللەندجى ىسكە قوسىلادى. ال №50, 60, 80 جانە 52 مەكتەپتەردە «قاندى سوعىس تۋرالى شاعىن اڭگىمەلەر» اتتى تانىمدىق دارىستەر وتەدى.
5 مامىر كۇنى ساعات 11:00-دە ء«ۇمىت» داعدارىس ورتالىعىندا جەڭىس كۇنىنە وراي تاربيە ساباعى جوسپارلانىپ وتىر. ساعات 15:00-دە بەلسەندى ۇزاق ءومىر ءسۇرۋ ورتالىعى كوركەمونەر ۇجىمدارىنىڭ قاتىسۋىمەن «ەرلىك ءىزى وشپەيدى» كونتسەرتىنە شاقىرادى.
7-9 مامىر ارالىعىندا اسكەري وركەستر ارداگەرلەردى ءوز ءۇيىنىڭ اۋلاسىندا جەڭىس كۇنى مەرەكەسىمەن قۇتتىقتايدى.
ايتا كەتەيىك, 8 مامىردا استانادا ۇوس ارداگەرلەرى مەن تىل ەڭبەككەرلەرى ءۇشىن قالا اۋلالارىندا ءداستۇرلى جىلجىمالى كونتسەرت ۇيىمداستىرىلادى. ساعات 18:00-دە Qazaqstan وكز ساحناسىندا ەركەش شاكەەۆتىڭ Eastwest in Astana مەرەيتويلىق اۆتورلىق كونتسەرتى باستالادى.
ساكەن سەيفۋللين مۇراجايىندا 5-8 مامىر ارالىعىندا وتان قورعاۋشى كۇنىنە ارنالعان «ەل قورعانى - ۇلاندار» كورمەسى, ال 8-11 مامىر ارالىعىندا ق.قايسەنوۆتىڭ 105 جىلدىعىنا جانە جەڭىس كۇنىنە ارنالعان « ۇلى جەڭىس باتىرلارى جانە قاسىم» اتتى ەكسپوزيتسيا جۇمىس ىستەيدى.
جەڭىس كۇنى, 9 مامىردا «وتان انا», باۋىرجان مومىش ۇلى, راقىمجان قوشقارباەۆ, مانشۇك مامەتوۆا, تالعات بيگەلدينوۆ, ءاليا مولداعۇلوۆا, يۆان پانفيلوۆ ەسكەرتكىشتەرىنە, ۇلى وتان سوعىسىندا قازا تاپقان جاۋىنگەرلەرگە ارنالعان مونۋمەنتالدى كەشەنگە گۇل شوقتارىن قويۋ ءراسىمى وتەدى.
كەشكى ساعات 19:00-دە مۋزەيدە «CHANEL № 5» دەرەكتى دراماسى ۇسىنىلادى. 14:00-دەن 17:00-گە دەيىن ەسىل جاعالاۋىنداعى امفيتەاتردا «وتانعا قىزمەت - ۇلى قۇرمەت» كونتسەرتتىك باعدارلاماسى ۇيىمداستىرىلادى. 9 مامىردا سپورتسۇيەر اۋەسقويلار ترياتلون پاركىندەگى جەڭىل اتلەتيكا ەستافەتاسىنا قاتىسا الادى.
11 مامىر كۇنى كەشكە «جاستار» سارايىنىڭ زالىندا «استانا» ەسترادالىق سيمفونيالىق وركەسترى ونەر كورسەتەدى. 11 مامىر كۇنى ساعات 12:00-دە «ارداگەر» حالىق حورى بەلسەندى ۇزاق ءومىر ءسۇرۋ ورتالىعىندا ء«بىز بۇل كۇندى ەستە ساقتايمىز» كونتسەرتىمەن ونەر كورسەتەدى.
17 مامىر كۇنى ساعات 12:00-دە «سوعىستا دا ءان شىرقالعان» ادەبي-مۋزىكالىق كومپوزيتسياسى وتەدى, ال 23 مامىر كۇنى ساعات 15:00-دە تىل ەڭبەككەرلەرىمەن كەزدەسۋ ۇيىمداستىرىلادى.
ەستەرىڭىزگە سالا كەتەيىك, جەڭىستىڭ 78 جىلدىعىنا وراي ۇلى وتان سوعىسىنىڭ ارداگەرلەرى مەن مۇگەدەكتەرىنە, اسكەري ءىس-قيمىلدارىنا قاتىسۋشىلارعا, استانادا تۇراتىن تىل ەڭبەككەرلەرىنە بىرجولعى تولەم اۋدارىلادى.
سونداي-اق وسى سانات ءۇشىن مامىر ايىندا №8 ەمحانادا تەگىن مەديتسينالىق تەكسەرۋدەن ءوتۋ ءىسى قاراستىرىلعان. «قامقورلىق مەكەنجايى» اكتسياسى اياسىندا ولارعا ازىق-ت ۇلىك سەبەتتەرى بەرىلەدى, اۋلالارى قوقىستاردان تازارتىلادى.
