تولەم بالانسىنىڭ تۇيتكىلدەرى

تاۋارلار يمپورتى ءوز كەزە­گىن­دە 41,4%-عا ءوسىپ, 13,7 ملرد دول­لارعا جەتكەن. تىكەلەي شە­تەل­­دىك ينۆەستورلاردىڭ كىرىسى ەسەپتى كەزەڭدە 7,5%-عا نەمەسە 0,5 ملرد دوللارعا ازايىپ, 6,1 ملرد دوللاردى قۇرادى.

رەزەرۆتىك اكتيۆتەردى قوس­پا­عاندا قارجىلىق شوتتىڭ نەگى­زىنەن جانە مەملەكەتتىك سەك­تور­دىڭ وپەراتسيالارى ەسەبىنەن 0,7 ملرد دوللار كولەمىندە وڭ سالدو قالىپتاسقان. سونىمەن قاتار ۇلتتىق قوردىڭ اكتيۆتەرىن قوس­­پاعاندا رەزەرۆتىك اكتيۆتەر بيىل ساۋىردە 36,2 ملرد دول­لارعا باعالانىپ, بۇل ەلى­مىز­دەگى تاۋارلار مەن قىز­مەت­تەر يمپورتىنىڭ التى جانە توعىز ايىنداعى قا­ر­جىلاندىرۋ مۇم­كىن­دىگىن كور­سەت­كەن.

تاعى ءبىر اتاپ وتەرلىك جايت, ۇلتتىق بانك وتكەن جىلى تولەم بالانسىن قا­لىپ­­­تاستىرۋدا جەكە تۇلعا­لار­دىڭ ترانسشەكارالىق ەلەك­ترون­دى ساۋداسىنا, سونداي-اق ەاەو ەلدەرىنەن اكەلىنگەن اۆتوكولىكتەردىڭ «سۇر» يمپورتىنا بايلانىستى وپەراتسيالاردى قوسىمشا ەسەپكە الۋدى جۇرگىزگەن بولاتىن.

بۇل رەتتە ۇلتتىق بانكتىڭ تولەم بالانسى دەپارتامەنتى ديرەكتورىنىڭ ورىنباسارى جاسۇلان مۇراتوۆ سوڭعى جىلدارى ەلىمىزدە جەكە تۇلعالاردىڭ ەاەو ەلدەرىنەن ءوز قاجەتىنە جاراتۋ نەمەسە قايتا ساتۋ ءۇشىن اكەلگەن اۆتوكولىكتەرى مەم­لەكەتتىك تىركەۋگە الىن­با­­عانىن, مۇنداي اۆتوكولىك يمپورتى سىرتقى ساۋدانىڭ رەسمي ستاتيستيكاسىندا ەسەپكە الىنبايتىندىعىن, اتالعان بانكتىڭ باعالاۋى بويىنشا 2015 جىلدان باستاپ كورشى ەلدەردەن اۆتوكولىكتەردىڭ «سۇر» يمپورتى 4,2 ملرد دوللار نەمەسە جىلىنا ورتاشا ەسەپپەن 500 ملن دوللاردى قۇراعانىن, وسىنداي يمپورتتىڭ ەڭ جوعارى كەزەڭى 2021 جىلى بولعاندىعىن اتاپ وتكەن ەدى.

سول ۋاقىت ارالىعىندا جالپى سوماسى 980 ملن دوللار شاماسىندا 131,2 مىڭ اۆتوموبيل يمپورتتالىپ, ءار يمپورتتالعان كولىك قۇنى ورتاشا ەسەپپەن 7,5 مىڭ دوللاردى قۇراعان. سونىمەن قاتار باس بانك ازامات­تار­دىڭ ونلاين-پلاتفورمالار ارقىلى ساتىپ الاتىن يمپورت كولەمىنە باعالاۋ جۇرگىزگەن. بۇل باعالاۋ جەكە تۇلعالاردىڭ شەتەلدىك ەكۆايرينگ جۇيەسىندە ەلىمىزدەگى تولەم كارتالارىن قولدانا وتىرىپ, قولما-قول اقشاسىز تولەمدەرىن تالداۋعا نەگىزدەلگەن. تولەم بالانسىنىڭ باپتارى بويىنشا وپەراتسيا­لاردى جىكتەۋ سىرتقى ساۋدا (قىزمەت كورسەتۋ) ورىندارىنىڭ ەكونوميكالىق قىزمەت ءتۇرىن سيپاتتايتىن مسس-كودتارىن قول­دا­نۋ ارقىلى جۇزەگە اسى­رىل­عان.

ج.مۇراتوۆ ينتەرنەت-پلاتفورما ارقىلى تاۋار ساتىپ الۋشىلاردىڭ قاتارى كوبەيىپ كەلە جاتقاندىعىن جانە بۇعان پاندەميامەن بايلانىس­تى شەكتەۋلەردىڭ دە ىقپال ەت­كەن­دىگىن ايتقان. سونىمەن ۇلت­­تىق بانكتىڭ باعالاۋى بو­­يىنشا 2015 جىلدان باس­تاپ ينتەرنەت-پلاتفورمالار ار­قى­لى ساتىپ الىنعان تاۋار يمپورتىنىڭ كولەمى 2,6 ملرد دوللارعا تەڭەسسە, 2021 جىلى بۇل كورسەتكىش 2015 جىلمەن سالىستىرعاندا 7,5 ەسە ۇلعايىپ, 749 ملن دوللاردى قۇراعان كورىنەدى.