قورشاعان ورتانى قورعاۋ, وزەندەر مەن ورمانداردى تازارتۋ, اعاش وتىرعىزۋ, قوقىستاردى سۇرىپتاۋعا ۇيرەتۋ جونىندەگى «Birgemiz: Taza Álem» جالپىۇلتتىق جوباسىن ىسكە اسىرۋ اياسىندا «الەۋمەتتىك جوبالار قورى» كق جەمىس اعاشتارىن وتىرعىزۋ اكتسياسىن ۇيىمداستىردى. وعان شىمكەنت قالاسىنىڭ فيزيكا-ماتەماتيكا باعىتىنداعى جانە تۇركىستان قالاسىنىڭ حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ وقۋشىلارى, سونداي-اق ەرىكتىلەر قاتىستى.
ء«بىزدىڭ ءىس-شارا دۇنيەجۇزىلىك جەر كۇنىن مەرەكەلەۋگە وراي وتكىزىلدى. اكتسياعا قاتىسۋشىلار مەكتەپ اۋماقتارىن كوگالداندىرۋعا ءوزىنىڭ ۇلەسىن قوسۋدى ءجون كوردى. وسىلايشا, ءبىز جاس ۇرپاق اراسىندا ەكولوگيالىق مادەنيەتتى قالىپتاستىرىپ, جاستاردىڭ قورشاعان ورتاعا, جەر-اناعا دەگەن سۇيىسپەنشىلىگىن ارتتىرعىمىز كەلەدى.
بولاشاقتا وسى مەكتەپتەردىڭ وقۋشىلارى ءبىزدىڭ ەرىكتىلەرگە ءوز اۋلاسىنداعى باقشالار ءۇشىن ريزا بولادى دەپ ۇمىتتەنەمىز», دەيدى «Birgemiz: Taza Álem» جوباسىنىڭ جەتەكشىسى ەربول كەڭگىرباەۆ.
اكتسيا قورىتىندىسى بويىنشا تۇركىستانداعى حيميا-بيولوگيالىق باعىتتاعى زياتكەرلىك مەكتەپتىڭ اۋماعىندا بالالار الما, المۇرت شابدالى, ورىك جانە شيە اعاشتارىنىڭ 100 تالىن, شىمكەنتتىك وقۋشىلار 50 كوشەتتى وتىرعىزدى.
ەسكە سالايىق, قورشاعان ورتانى قورعاۋ, وزەندەر مەن ورمانداردى تازارتۋ, اعاش وتىرعىزۋ, قوقىستاردى سۇرىپتاۋعا ۇيرەتۋ جونىندەگى «Birgemiz: Taza Álem» جوباسى اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلادى. ونى ىسكە اسىرۋ 2022 جىلى باستالىپ, 2024 جىلدىڭ سوڭىندا اياقتالادى. ءۇش جىلدىڭ قورىتىندىسى بويىنشا جوباعا 8 مىڭنان استام ەرىكتى تارتىلادى دەپ جوسپارلانىپ وتىر.
