بارلىق وتىنىشتەر www.almaty-zhastary.kz سايتىندا قابىلدانادى. ايتا كەتسەك, كورسەتىلگەن سايتقا كىرۋ ءۇشىن ەلەكتروندىق تسيفرلىك قولتاڭبا (ەتسق) قولدانىلۋى قاجەت.
نەسيە بەرۋ شارتتارى:
- زايمنىڭ ەڭ جوعارى سوماسى– 18 ملن تەڭگەگە دەيىن;
- پايىزدىق مولشەرلەمە – 5%;
- باستاپقى جارنا – 10%;
- باستاپقى جانە قايتالاما تۇرعىن ءۇي ساتىپ الۋ مۇمكىندىگى;
- قامتۋ– 1 100 ادامنان كەم ەمەس.
ۇمىتكەرلەرگە قويىلاتىن نەگىزگى تالاپتار:
- قاتىسۋشىنىڭ جاسى - 35 جاسقا دەيىن (35 جاسقا تولعانداردى قوسا العاندا). باعدارلاماعا نەگىزگى قاتىسۋشى رەتىندە ەرلى-زايىپتىلاردىڭ بىرەۋى عانا قاتىسا الادى;
- ۇمىتكەردە جانە ونىڭ وتباسى مۇشەلەرىندە مەنشىك قۇقىعىندا تۇرعىن ءۇيدىڭ, سونداي-اق قازاقستان رەسپۋبليكاسىنىڭ اۋماعىندا سوڭعى 5 جىل ىشىندە تۇرعىن ءۇي جاعدايىنىڭ ادەيى ناشارلاۋى فاكتىلەرىنىڭ بولماۋى;
- قاتىسۋشىنىڭ الماتى قالاسىندا كەلەسى ساناتتار بويىنشا مىندەتتى زەينەتاقى اۋدارىمدارىمەن كەم دەگەندە سوڭعى 6 اي ىشىندە رەسمي جۇمىس ءوتىلىنىڭ بولۋى: دەنساۋلىق ساقتاۋ, ءبىلىم بەرۋ, مادەنيەت, سپورت, جوو-لار جانە عزي, جۋرناليستەر, الەۋمەتتىك سالا, قۇقىق قورعاۋ ورگاندارى جانە قالالىق كوممۋنالدىق قىزمەتتەرى.
تولىق اقپارات www.almaty-zhastary.kz سايتىندا ورنالاستىرىلعان.
انىقتاما تەلەفونى: +7 (727) 225 14 57 (الماتى قالاسى كوممۋنالدىق ينفراقۇرىلىمدى دامىتۋ باسقارماسى).
اكىمدىكتىڭ حابارلاۋىنشا, اتالمىش باعدارلاما اياسىندا جاس مۇعالىمدەر مەن دارىگەرلەر ءۇشىن قوسىمشا قارجى ءبولىندى, سونداي-اق ليميت 100 زايمعا ۇلعايتىلدى: مۇعالىمدەرگە – 50, دارىگەرلەرگە – 50.
