پەتروپاۆلداعى «ەستۋ قابىلەتى بۇزىلعان بالالارعا ارنالعان وبلىستىق ارنايى (تۇزەتۋ) مەكتەپ-ينتەرناتى» كمم بازاسىندا قۇرىلعان Sensitive ەستۋ قابىلەتى بۇزىلعان ارتيستەردىڭ بي تەاترى دۋبايداعى حورەوگرافيالىق ونەر فەستيۆالىندە گران-پري جەڭىپ الدى.
حالىقارالىق كونكۋرستاردا دەبيۋت جاساعان وبلىستىق تۇزەتۋ مەكتەپ-ينتەرناتىنىڭ تاربيەلەنۋشىلەرى بىرنەشە نوميناتسيا بويىنشا جەڭىسكە جەتتتى. وتانداستارىمىز «سولو» (دانيال كانگوجين) جانە «دۋەت» (ەۆگەني كۋزمين جانە ەكاتەرينا ۆوروپاەۆا) ساناتتارىندا ۇزدىك اتاندى. مەكتەپ-ينتەرنات تاربيەلەنۋشىلەرىنىڭ اعا قۇرامى دا ەرەكشەلەنىپ, «ۆەنا ءۆالسى» جانە «سامبا» حورەوگرافيالىق قويىلىمدارىمەن ءبىرىنشى ورىن يەلەندى. سونداي-اق Sensitive تەاترى قازىلار القاسىنىڭ ارنايى سىيلىعىنا دا يە بولدى.
مادەنيەت جانە سپورت ءمينيسترى اسحات ورالوۆ جەڭىمپازداردى ارنايى قۇتتىقتادى.
«مەن تەاتردىڭ شىعارماشىلىق ۇجىمىن جانە سولتۇستىك قازاقستان وبلىستىق ارنايى مەكتەپ-ينتەرناتىنىڭ تۇلەكتەرىن تولايىم تابىستارىمەن قۇتتىقتايمىن. بۇل وتاندىق ينكليۋزيۆتى تەاتر مەن قازاقستاننىڭ تەاتر ونەرى ءۇشىن ۇلكەن جەتىستىك. سونىمەن قاتار بۇل ءبىزدىڭ ەرەكشە قاجەتتىلىكتەرى بار وتانداستارىمىزدى شابىتتاندىراتىن تاماشا ناتيجە, بۇل قانداي جاعداي بولسىن ءسىزدىڭ شىعارماشىلىق الەۋەتىڭىزدى جۇزەگە اسىرۋعا بولاتىندىعىنىڭ ايقىن دالەلى. تەاترعا بولاشاق بايقاۋلاردا شىعارماشىلىق تابىس پەن جارقىن جەڭىستەر تىلەيمىن!», دەلىنگەن قۇتتىقتاۋدا.
