شقو دەنساۋلىق ساقتاۋ باسقارماسىنىڭ مالىمەتىنە سۇيەنسەك, «103» جەدەل ارناسىنا قوڭىراۋ شالعان ايەل اناسىنا كومەك كورسەتۋدى سۇراعان.
«فەلدشەرلەر ەراسىل التاي ۇلى مەن تىلەگەن تولەپبەرگەنوۆ شاقىرتۋ ورنىنا 10 مينۋت ىشىندە كەلىپ جەتتى. تەكسەرۋ كەزىندە 81 جاستاعى اجەنىڭ جاعدايى كەنەتتەن ناشارلاپ, جۇرەگى توقتاپ قالعان», دەلىنگەن اقپاراتتا.
سول كەزدە جەدەل جاردەم قىزمەتكەرلەرى شۇعىل تۇردە جۇرەك-وكپە رەانيماتسياسىن جاسادى. ابىروي بولعاندا, سودان كەيىن اجەنىڭ جۇرەگى قايتا سوعىپ, تىنىس الا باستادى.
اۋرۋحاناعا جەتكىزىلگەن سوڭ كەيۋانانىڭ جاعدايى جاقسارا باستادى.
