ەرمەك ساعىمباەۆ ۇلتتىق قاۋىپسىزدىك كوميتەتىنىڭ بولىمشەلەرى بىرقاتار لاڭكەستىك قىلمىستىڭ, سونىڭ ىشىندە قولدان جاسالعان جارىلعىش قۇرىلعىنى قولدانۋ ارقىلى حالىق كوپ جينالاتىن ورىنداردىڭ بىرىندە جاسالماق بولعان تەرروريستىك اكتىگە توسقاۋىل قويىلعانى جونىندە باياندادى. بەرىلگەن مالىمەت بويىنشا 19 ادام قاماۋعا الىنعان.
تەرروريزمگە قارسى ورتالىق شتابىنىڭ جۇمىسىن ۇيلەستىرۋ كەزىندە تەررورلىق قاتەرلەرگە قارسى ءىس-ارەكەت شارالارىن جەتىلدىرۋ ءۇشىن جاتتىعۋ جيىندارى مەن دايىندىق كەشەنى وتكىزىلدى. شەت مەملەكەتتەردىڭ ارناۋلى قىزمەتتەرىنىڭ بارلاۋ ارەكەتتەرىنە قارسى ءىس-قيمىل وپەراتسيالارى جۇزەگە اسىرىلعان. انىقتالعان بىرقاتار فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر», دەدى ۇقك توراعاسى.
سونىمەن قاتار, قۇقىق قورعاۋ ورگاندارىمەن بىرلەسە جۇرگىزىلگەن كريمينوگەندىك جاعدايدى ساۋىقتىرۋ جۇمىستارىنىڭ ناتيجەسى تۋرالى باياندالدى.
«بيىلعى ءتورت ايدا ۇقك 8 قاۋىپتى ۇيىمداسقان قىلمىستىق توپتى ۇستاعان. قارۋ-جاراق پەن وق-ءدارى جاساۋعا قاتىستى 7 جاسىرىن تسەح جويىلدى. زاڭسىز اينالىمنان 268 قارۋ, 21 گراناتا جانە 30 مىڭنان استام وق-ءدارى تاركىلەندى. 16 ەسىرتكى لابوراتورياسىنىڭ, 11 حالىقارالىق جانە 17 وڭىرلىك ەسىرتكى كانالىنىڭ جۇمىسى توقتاتىلدى. مەملەكەتتىك شەكارانى كۇزەتۋ سالاسىندا 6 987 زاڭ بۇزۋشى ۇستالدى. شامامەن 2,8 ميلليارد تەڭگە كولەمىندە ۆاليۋتا, التىن جانە باسقا دا تاۋارلاردىڭ زاڭسىز تاسىمالدانۋىنا جول بەرىلمەدى. سونىمەن قاتار, قارۋ مەن وق-دارىلەردى تاسىمالداۋعا قاتىستى 85 ارەكەتتىڭ جولى كەسىلدى. زاڭسىز كوشى-قون بويىنشا 4 ارناعا توسقاۋىل قويىلىپ, ولاردىڭ 6 ۇيىمداستىرۋشىسى ۇستالعان», دەدى ەرمەك ساعىمباەۆ.
ۇلتتىق قاۋىپسىزدىك كوميتەتىنىڭ تەحنيكالىق بولىمشەلەرى 37,9 ميلليوننان استام كيبەرشابۋىلدى جانە ەلدىڭ ماڭىزدى ينفراقۇرىلىم نىساندارىنا باعىتتالعان 1948 DDoS-شابۋىلعا تويتارىس بەرگەن.
پرەزيدەنت ۇلتتىق قاۋىپسىزدىك ورگاندارى قىزمەتىنىڭ باعىتتارى بويىنشا بىرقاتار ناقتى تاپسىرما بەردى.
