كونتسەرت «جاسStars» توبى مەن قر مەملەكەتتىك ەڭبەك سىڭىرگەن «سالتانات» بي ءانسامبلى ورىنداعان «قازاقستان - دوستىق بەسىگى» ۆوكالدىق-بي كومپوزيتسياسىمەن اشىلدى, كورەرمەندەر ءۇشىن قازاقستاندىق جانە شەتەلدىك ارتىستەر ونەر كورسەتتى.
ءوز كومپوزيتسيالارىن حالىقارالىق بايقاۋلاردىڭ لاۋرەاتتارى زارينا حاسانشينا, وزبەكستان, قاراقالپاقستان, باشقۇرتستان حالىق ءارتىسى جەڭىسبەك پيازوۆ جانە بەلارۋس رەسپۋبليكاسىنىڭ ەڭبەك سىڭىرگەن ءارتىسى جانەت بۋتەرۋس ورىندادى. ساحنادا كارىس, كاۆكاز, تۇرىك, ۇيعىر, پولياك جانە باسقا دا ۇلتتىق بيلەر ورىندالدى.
اباي الاڭىندا قازاقستان حالىقتارىنىڭ تاعام فەستيۆالى ءوتتى, وندا 15 مەيرامحانا قازاق, كارىس, گرۋزين, ورىس, ۇيعىر جانە ءۇندىنىڭ ۇلتتىق تاعامدارىن ۇسىندى.
مەرەكەلىك ءىس-شارالار جىبەك جولى, پانفيلوۆ كوشەلەرىندە جانە عىلىم اكادەمياسى عيماراتىنىڭ الدىنداعى ش.ءۋاليحانوۆ اتىنداعى سكۆەردە «الماتى اۋەندەرى» ارتىستەرى مەن «الاتاۋ» ءداستۇرلى ونەر تەاترىنىڭ, قازاقستان حالقى اسسامبلەياسىنىڭ, مۋزىكالىق توپتاردىڭ قاتىسۋىمەن ء وتتى.
مەرەكەلىك باعدارلاما اباي الاڭىندا «دوستىق ءانى» كونتسەرتىمەن جالعاسادى. ساحنادا ايقىن تولەپبەرگەن, Qanay, ايگەرىم قالاۋباەۆا, ارتۋر داۆلەتياروۆ, Ayree جانە كeشYou توبى ونەر كورسەتەدى. مەرەكەلىك كونتسەرت ساعات 22:00-گە دەيىن بولادى.
ايتا كەتەيىك, مەرەكەلىك كونتسەرتتەر قالانىڭ بارلىق اۋدانىندا ۇيىمداستىرىلعان.
