ءداستۇر بويىنشا سالتاناتتى ءىس-شارالار ەلوردانىڭ اشىق الاڭدارى مەن ساياباقتارىندا ۇيىمداستىرىلىپ, وعان بارىنشا كوپ ادام قاتىسادى.
ماسەلەن, قالانىڭ شىعارماشىلىق ۇجىمدارى مەن ارتىستەرىنىڭ قاتىسۋىمەن كونتسەرتتىك باعدارلامالار استانانىڭ ءارتۇرلى اۋداندارىندا – بايتەرەك مونۋمەنتىنىڭ الاڭىندا, بەيبىتشىلىك جانە كەلىسىم سارايىنىڭ جانىنداعى امفيتەاتردا, قالالىق الاڭدا جانە جازۋشىلار اللەياسىندا وتكىزىلدى.
جينالعان جۇرتشىلىقتىڭ الدىندا مەملەكەتتىك اكادەميالىق فيلارمونيا ارتىستەرى مەن وتاندىق ەسترادا جۇلدىزدارى ونەر كورسەتتى, ولاردىڭ اراسىندا گۇلنۇر ورازىمبەتوۆا, الماس كىشكەنباەۆ, جىگەر اۋپباەۆ, دوس, الىشەر كارىموۆ, قايرات باەكەنوۆ, سەرىك يبراگيموۆ جانە باسقالارى بار.
قالا تۇرعىندارى مەن قوناقتارىنا ارناپ كونتسەرتتەر عانا ەمەس, ۇلتتىق سپورت تۇرلەرى بويىنشا جارىستار دا ۇيىمداستىرىلدى.
«قازاقستان حالقىنىڭ بىرلىگى كۇنى ەلىمىزدىڭ ءبىرتۇتاس ەكەنىن, ال مەملەكەتىمىزدىڭ ءوز حالقىنا قامقور ەكەنىن كورسەتەدى. بۇل مەرەكە ويىن-ساۋىق ءۇشىن عانا ەمەس, سونىمەن قاتار وي جۇگىرتىپ, تارازىلايتىن دا ۋاقىت.
مەنىڭ ويىمشا, بۇل ءبىزدىڭ ەلىمىز ءارتۇرلى مادەنيەتتەر مەن ۇلت وكىلدەرىنەن تۇراتىنىن جانە ارقايسىمىز ونىڭ دامۋىنا ۇلەس قوساتىنىمىزدى بىلدىرەتىن كۇن», دەدى «تەررا» بي تەاترىنىڭ ءسوليسى الەنا.
مەرەكەگە تەك ەلوردا تۇرعىندارى عانا ەمەس, قالا قوناقتارى دا قاتىسادى.
«مەن ءۇشىن قازاقستان حالقىنىڭ بىرلىگى كۇنى – بارلىق ۇلت وكىلدەرى سالت-ءداستۇرى مەن مادەنيەتىن اتاپ ءوتىپ, ءوزىن ۇلكەن ءبىرتۇتاس قوعامداستىقتىڭ بولىگى رەتىندە سەزىنە الاتىن كۇن.
ءوزىم مەرەكەلىك ءىس-شارالارعا بارعاندى ۇناتامىن, وندا ءسىز حالىق اندەرىن تىڭداپ, ءتۇرلى تاعامداردان ءدام تاتا الاسىز, مىڭ بۇرالعان بيلەردى تاماشالاپ, ۇلتتىق كيىمدەردى دە كورە الاسىز. بۇل ەلىمىزدىڭ قانشالىقتى تاتۋ-ءتاتتى ءومىر ءسۇرىپ جاتقانىن بىلدىرەدى», دەيدى مەرەكە قوناعى ايگۇل.
استانا قالاسى مادەنيەت باسقارماسىنىڭ مادەني-دەمالىس قىزمەتىن ۇيىمداستىرۋ ءبولىمىنىڭ باسشىسى سالتانات مۋكسيموۆا ەلوردا تۇرعىندارى ءۇشىن مەرەكەلىك ءىس-شارالار ۇيىمداستىرىپ, كەرەمەت كوڭىل-كۇي سىيلاۋدىڭ ماڭىزدىلىعىن ايرىقشا اتاپ ءوتتى.
«قالا تۇرعىندارى كونتسەرتكە وتە بەلسەندى قاتىسادى. ولار قوشەمەتتەرىن ءبىلدىرىپ, تاڭدانىستارىن جاسىرمايدى. بۇل جەردە «جاستار» سارايىنىڭ سوليستەرى ونەر كورسەتەدى. سونىمەن قاتار, ءبىزدىڭ ارتىستەر قالالىق الاڭدا, بايتەرەك مونۋمەنتى مەن جاڭا امفيتەاتردىڭ جانىندا دا ءوز ونەرلەرىن پاش ەتەدى», دەدى سالتانات مۋكسيموۆا.
