«گۇلميرا كارىموۆانىڭ كەنەتتەن قايتىس بولۋىنا قاتىستى سوتقا دەيىنگى تەرگەپ-تەكسەرۋ جۇمىستارى جۇرگىزىلدى. بۇگىنگى تاڭدا تەرگەۋ قر قىلمىستىق-پروتسەستىك كودەكسىنىڭ 35-بابى 1-بولىگى 2-تارماعىنا سايكەس, قىلمىستىق قۇقىق بۇزۋشىلىق قۇرامى بولماۋىنا بايلانىستى توقتاتىلدى. وسى ءىستى قاداعالاعان پروكۋرور بۇل شەشىمدى بەكىتتى», دەدى استانا پوليتسيا دەپارتامەنتى باستىعىنىڭ ورىنباسارى قۋانىش ورىنبەتوۆ.
قر پارلامەنتى سەناتىنىڭ جاڭادان سايلانعان دەپۋتاتى گۇلميرا كارىموۆا 2023 جىلعى 27 قاڭتارعا قاراعان ءتۇنى قايتىس بولدى. ول 45 جاستا ەدى. الدىن الا «انافيلاكتيكالىق شوك» دەگەن دياگنوز قويىلعان ەدى, بىراق 28 قاڭتاردا دەنساۋلىق ساقتاۋ مينيسترلىگى ولىمگە جەدەل ميوكارد ينفاركتىسى سەبەپ بولعانىن حابارلادى. 25 اقپاندا سەناتوردىڭ ولىمىنە قاتىستى قىلمىستىق ءىس قوزعالدى.
