كەڭەسكە كانادا, ۇلىبريتانيا جانە ەۋروپالىق وداقتىڭ قازاقستانداعى ەلشىلەرى, اقش ساۋدا پالاتاسىنىڭ, ەۋروپالىق قايتا قۇرۋ جانە دامۋ بانكىنىڭ, ازيا دامۋ بانكىنىڭ وكىلدەرى, ورتالىق مەملەكەتتىك ورگاندار مەن بىرقاتار جەكە كومپانيا باسشىسى قاتىستى.
پرەمەر-مينيستر قازاقستاننىڭ وڭىرلىك جانە جاھاندىق ازىق-ت ۇلىك قاۋىپسىزدىگىن قامتاماسىز ەتۋگە ۇلكەن ۇلەس قوسىپ وتىرعانىن اتاپ ءوتتى. رەسپۋبليكا استىق داقىلدارىن ەكسپورتتايتىن الەمدەگى 10 ءىرى ەل قاتارىندا. اتاپ ايتقاندا, بىلتىر قازاقستان العاش رەت پوستكەڭەستىك ەلدەردى ارتقا تاستاپ, ازىق-ت ۇلىك قاۋىپسىزدىگىنىڭ جاھاندىق رەيتينگىندە 32-ورىنعا جايعاستى.
«اگروونەركاسىپتىك كەشەندى دامىتۋ ساياساتى ەڭ الدىمەن, ىشكى نارىقتى وتاندىق ازىق-ت ۇلىك ونىمدەرىمەن قامتاماسىز ەتۋگە باعىتتالعان. بىلتىر 2024 جىلعا دەيىنگى ازىق-ت ۇلىك قاۋىپسىزدىگى جوسپارىن قابىلدادىق, اۋىل شارۋاشىلىعىن ءارتاراپتاندىرۋ اياسىندا 2030 جىلعا دەيىنگى اوك-ءتى دامىتۋ تۇجىرىمداماسى جۇزەگە اسىرىلۋدا», دەدى ءاليحان سمايىلوۆ.
ازىق-ت ۇلىك قاۋىپسىزدىگىن قامتاماسىز ەتۋدەگى ماڭىزدى فاكتورلاردىڭ ءبىرى — كليماتتىڭ وزگەرۋىنە بەيىمدەلۋ پروتسەسى. بۇل ماقساتتا قازاقستاندا بالامالى ەنەرگيا كوزدەرىنە كەزەڭ-كەزەڭىمەن كوشۋ جانە ەنەرگيا تيىمدىلىگىن ارتتىرۋ بويىنشا جۇمىستار جۇرگىزىلىپ جاتىر.
«سونداي-اق ءبىز ءۇشىن سۋ جانە جەر رەسۋرستارىن تۇراقتى باسقارۋ — وتە ماڭىزدى باعىتتار. قازىر پرەزيدەنت تاپسىرماسىنا سايكەس جاڭا سۋ كودەكسى ازىرلەنىپ جاتىر. ەگىن القاپتارى قۇرىلىمىن ءارتاراپتاندىرۋ بويىنشا جۇمىستار جالعاسۋدا جانە سۋارمالى جەرلەردى ۇلعايتۋ بويىنشا بەلسەندى شارالار جۇزەگە اسىرىلۋدا», دەپ اتاپ ءوتتى ول.
پرەمەر-مينيستر بۇل باعىتتا ەسكى سۋارۋ جۇيەلەرىن جاڭعىرتۋ جوبالارىنىڭ دا جۇزەگە اسىرىلىپ جاتقانىن, سونىمەن قاتار جاڭا يرريگاتسيالىق نىساندار قۇرىلىسى جوسپارلانىپ وتىرعانىن ايتتى.
كەڭەسكە قاتىسۋشىلار ءسۇت ءوندىرىسىن جانە اۋىل شارۋاشىلىعى سالاسىنىڭ باسقا دا سەكتورلارىن دامىتۋ, ونىمدەردىڭ يمپورتى مەن ەكسپورتى, مەملەكەتتىك رەتتەۋ, سۋبسيديالاۋ, ينۆەستيتسيا تارتۋ, تاۋار بيرجالارىنىڭ قىزمەتى, يننوۆاتسيالار ەنگىزۋ, سالالىق ءبىلىم بەرۋ جانە باسقا دا ماسەلەلەردى تالقىلادى.
جيىن قورىتىندىسى بويىنشا پرەمەر-مينيستر قاتىسۋشىلارعا ريزاشىلىعىن ءبىلدىرىپ, ەلىمىزدىڭ ازىق-ت ۇلىك قاۋىپسىزدىگىن ودان ءارى نىعايتۋ ءۇشىن كەڭەستە ايتىلعان بارلىق ۇسىنىستىڭ جان-جاقتى پىسىقتالاتىنىن ايتتى.
«بۇگىندە اوك سالاسىندا ينۆەستورلارعا سالىقتىق, كەدەندىك پرەفەرەنتسيالار جانە باسقا دا قولداۋ شارالارى قاراستىرىلعان. ۇكىمەت ەكونوميكاداعى بيزنەس ورتانى جانە ينۆەستيتسيالىق احۋالدى, ونىڭ ىشىندە, اوك سالاسىن جەتىلدىرۋ بويىنشا جۇمىستارىن جالعاستىرادى», دەپ تۇيىندەدى ءا. سمايىلوۆ.
