فۋتبول. ەۋروپا ليگاسى: «شاحتەر» مەن «استانا» كەلەسى كەزەڭگە ءوتتى

استانا. 10 شىلدە. بۇگىن قاراعاندىنىڭ «شاحتەرى» مەن استانانىڭ «استاناسى» قارىمتا ارمەنيالىق كوماندالاردى ۇتىپ, ەۋروپا ليگاسى ىرىكتەۋ راۋندىنىڭ كەلەسى كەزەڭىنە ءوتتى. بۇل تۋرالى egemen.kz حابارلادى. قاراعاندىدا جەرگىلىكتى «شاحتەر» ارمەنيانىڭ گيۋمري قالاسىنىڭ «شيراك» كومانداسىن قابىلدادى. قارسىلاستاردىڭ بۇدان ءبىر اپتا بۇرىن ارميان جەرىندە وينالعان ءبىرىنشى كەزدەسۋىندە قازاقستاندىقتار 2:1 ەسەبىمەن ۇتىپ قايتقان ەدى. ال بۇل جولى ولار ارمەنيالىقتاردى 4:0 ەسەبىمەن ويسىراتا ۇتتى. ەسەپ ماتچتىڭ 12-مينۋتىندا اشىلدى. الاڭ يەلەرىنىڭ كوماندا كاپيتانى اندرەي فينونچەنكو سول قاپتالدان ۇلان قونىسباەۆ بەرگەن دوپتى قاقپاعا قاراي ۇردى. ول قوناقتاردىڭ قاقپاشىسىنان كەرى قايتىپ, سوسىن ءبىر قورعاۋشىسىنا ءتيىپ, قايتادان قاقپاعا باعىتتالىپ, جىبەك تورعا بارىپ توپ ەتتى. ال 26-مينۋتتا ۇلاننىڭ ءوزى قاپتالدان بەرىلگەن دوپتى باسىمەن ۇرىپ, قاقپاعا ءتۇسىردى. كەنشىلەر مۇنىمەن دە توقتالعان جوق. ولار ۇزىلىسكە دەيىن تاعى ءبىر گول سالىپ, ەسەپتى 3:0-گە جەتكىزدى. ونى كوماندانىڭ دەبيۋتانتى نيكولا پوكريۆاچ ءوز ەسەبىنە جازدى. ەكىنشى تايم باستالعاننان كەيىن قاراعاندىلىقتار ويىننىڭ اقىرعى نۇكتەسىن قويدى. ونى 49-مينۋتتا اندرەي فينونچەنكو قاقپاعا جونەلتتى. وسىلايشا ەكى ويىننىڭ قورىتىندىسى 6:1 بولدى. ەندى ەكىنشى كۆاليفيكاتسيالىق راۋندتا «شاحتەر» ليۋكسەمبۋرگتىڭ «ديففەردانج» جانە كلايپەدانىڭ «اتلانتاس» (ليتۆا) كوماندالارىنىڭ جەڭگەنىمەن وينايدى. وسىنىڭ سوڭىن الا «استانا-ارەنادا» جەرگىلىكتى «استانا» مەن ەرەۆاننىڭ «پيۋنيك» كوماندالارى اراسىنداعى ويىن اياقتالدى. ول 2:0 ەسەبىمەن الاڭ يەلەرىنىڭ پايداسىنا شەشىلدى. بۇل قارسىلاستاردىڭ 3 شىلدە كۇنى ارمەنيا استاناسىندا وتكەن ءبىرىنشى كەزدەسۋىندە قازاقستان فۋتبولشىلارى 4:1 استانالىقتار ەسەپتى 13-مينۋتتا اشتى. ونى باۋىرجان جولشيەۆ سالدى. ال ەكىنشى گول مەيماندار قاقپاسىنا 80-مينۋتتا ءتۇستى. ول دميتري شومكونىڭ كۇشىمەن سالىندى. ءسويتىپ, ەكى ويىننىڭ ەسەبى 6:1 بولدى. دامير قوجامقۇل. دەرەككوز: egemen.kz. فوتو: vesti.kz.