ماڭعىستاۋ وبلىسىندا ءبولىم باستىعى پارا الۋ كەزىندە ۇستالدى

اقتاۋ. 10 شىلدە. ماڭعىستاۋ وبلىسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى وبلىستىق تابيعي رەسۋرستار جانە تاباعاتتى پايدالانۋدى رەتتەۋ باسقارماسىنىڭ ءبولىم باستىعى ءو.وتەگەنگە قاتىستى قىلمىستىق ءىس قوزعادى. بۇل تۋرالى egemen.kz ءتىلشىسى حابارلادى. كۇدىكتى «قوشقار-اتا» قالدىق قويماسىن قالپىنا كەلتىرۋدىڭ جوبالىق-سمەتالىق قۇجاتتارىن جاساقتاۋ كەزىندەگى جالپى قامقورلىعى ءۇشىن ازامات ك-دەن جوبانىڭ جالپى قۇنىنىڭ 3 پايىزىن تالاپ ەتىپ,  ناتيجەسىندە 1  ميلليون  تەنگەنى پارا رەتىندە الۋ ۇستىندە ۇستالعان. قارجى پوليتسياسىنىڭ ءباسپاسوز حاتشىسى ن.مۇقاتايدىڭ ايتۋىنشا, پارا الۋ فاكتىسى بويىنشا  قىلمىستىق كودەكستىڭ 311-بابىنىڭ 4-بولىگى «ۆ» تارماعىمەن ءىس قوزعالىپ, سوت سانكتسياسىمەن ءو.وتەگەن قاماۋعا الىنعان. قازىرگى تاڭدا تەرگەۋ امالدارى جۇرگىزىلۋدە. گۇلايىم شىنتەمىرقىزى. دەرەككوز: egemen.kz. فوتو: diapazon.kz.