شىعىس قازاقستان وبلىسى قاتونقاراعاي اۋدانىنا جاڭا اكىم تاعايىندالدى

استانا. 10 شىلدە. پرەزيدەنت اكىمشىلىگى كەلىسىمىمەن جانە شىعىس قازاقستان ءوڭىرىنىڭ باسشىسى بەردىبەك ساپارباەۆتىڭ وكىمىمەن قاليقان بايعونىسوۆ قاتونقاراعاي اۋدانىنىڭ اكىمى بولىپ تاعايىندالدى. بۇل تۋرالى altaynews.kz حابارلادى. ق.بايعونىسوۆ 1959 جىلى 10 اقپاندا شىعىس قازاقستان وبلىسى قاتونقاراعاي اۋدانىنىڭ پەچي اۋىلىندا تۋعان. ەڭبەك جولىن قاتونقاراعاي اۋدانى كوروبيحا اۋىلىندا قاراپايىم جۇمىسشى, تراكتورشى بولىپ باستاعان. 1984 جىلى وسكەمەن قۇرىلىس-جول ينستيتۋتىن ينجەنەر-مەحانيك, 2003 جىلى زاماناۋي گۋمانيتارلىق ينستيتۋتىن زاڭگەر ماماندىقتارى بويىنشا بىتىرگەن. 1984-1996 جىلدار ارالىعىندا قاتونقاراعاي اۋدانىنداعى بىرقاتار كەڭشاردا, اۋداندىق اكىمشىلىكتە باسشىلىق قىزمەتتەر اتقارعان. 1998 جىلى قوتانقاراعاي اۋدانى بەلوۆسكوە اۋىلدىق وكرۋگىنىڭ اكىمى, 2001 جىلى «ءۇش-بۇلاق» جاۋاپكەرشىلىگى شەكتەۋلى سەرىكتەستىگىنىڭ ديرەكتورى, 2004 جىلى «مال ونىمدەرى» كورپوراتسياسىنىڭ وبلىستاعى وكىلى, 2007-2011 جىلدار ارالىعىندا قاتونقاراعاي اۋدانى اكىمىنىڭ ورىنباسارى, 2011 جىلى بەسقاراعاي اۋدانىنىڭ اكىمى بولدى. 2013 جىلدىڭ 1 شىلدەسىنەن وسى تاعايىنداۋعا دەيىن شىعىس قازاقستان وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى قىزمەتىن اتقارىپ كەلدى. جولدىباي بازار. دەرەككوز: altaynews.kz. فوتو: aikyn.kz.