2017 جىلى ەلىمىز جالپىعا ورتاق دەكلاراتسيالاۋ جۇيەسىنە ءوتۋى مۇمكىن

استانا. 10 شىلدە. ەلىمىزدە شاعىن جانە ورتا بيزنەستىڭ الەۋەتى جىل سايىن ارتىپ كەلەدى. سالىق كوميتەتىنىڭ ەسەپكە الۋ, تالداۋ جانە مونيتورينگ باسقارماسىنىڭ باسشىسى ايدار بايمانوۆ وسىلاي دەدى. بۇل تۋرالى «24kz» حابارلادى. ايدار بايمانوۆتىڭ ايتۋىنشا, بيىلعى جارتىجىلدىقتا ەل بيۋدجەتى سالىق ەسەبىنەن 963,1 ملرد. تەڭگەمەن تولىققان. فيسكالدىق ورگان قىزمەتكەرلەرى بەلگىلەنگەن مەجەنى 30 ملرد. تەڭگەگە اسىرا ورىنداعان. سالىقتىڭ 60 پايىزى شاعىن جانە ورتا بيزنەستىڭ ۇلەسىنە تيەسىلى. سونداي-اق, ول: «شاعىن جانە ورتا بيزنەستىڭ ءتۇسىمى جانە ولاردىڭ سانى دا جىلدان-جىلعا ارتىپ كەلەدى. سەبەبى ولاردىڭ ءارتۇرلى ەكونوميكالىق داعدارىستارعا قارسى تۇرۋعا مۇمكىنشىلىكتەرى مول. ايتا كەتەرلىگى, 1 شىلدەدەن باستاپ سالىق كوميتەتىنىڭ باستاماسىمەن ەلىمىزدە ەلەكتروندىق شوت-فاكتۋرا ەنگىزىلدى. بۇل مەملەكەت باسشىسىنىڭ تاپسىرماسىنا سايكەس, كومپانيالار جۇمىسىنىڭ تيىمدىلىگىن ارتتىرۋعا, اقپاراتتى وڭدەۋ شىعىندارى مەن وعان جۇمسالاتىن ۋاقىتتى ازايتۋ ماقساتىندا ەنگىزىلىپ وتىر. بۇعان كوسا 2017جىلى ەلىمىز جالپىعا ورتاق دەكلاراتسيالاۋ جۇيەسىنە كوشەدى دەپ جوسپارلانۋدا», – دەدى. جولدىباي بازار. دەرەككوز: «24kz». فوتو: brainity.ru.