ەلورداداعى ەكوتاكسي اۆتوپاركى كولىك سانىن 500-گە جەتكىزۋدى كوزدەپ وتىر

استانا. 10 شىلدە. استاناداعى ەكوتاكسي اۆتوپاركى EXPO-2017 كورمەسى وتەتىن ۋاقىت جاقىنداعاندا كولىك سانىن 500-گە جەتكىزۋدى جوسپارلاۋدا. بۇل تۋرالى BusinessNews.kz حابارلادى. استانا اكىمى يمانعالي تاسماعامبەتوۆكە قازىردىڭ وزىندە جاڭا 70 ەكولوگيالىق كولىك كورسەتىلدى. بۇل اۆتوموبيلدەردى قوستانايداعى AllurGroup كومپانياسى شىعارعان. ناقتىلاي ايتقاندا, «ەكوتاكسي» جوباسى شەڭبەرىندە العاش رەت Peugeot Partner ماركالى وتاندىق وندىرىستە شىعارىلعان كولىكتەر ۇسىنىلىپ وتىر. بۇلار WI-FI-مەن, پلانشەتتەرمەن جانە اقشانى اۋدارۋ ارقىلى تولەۋ جۇيەلەرىمەن جاراقتاندىرىلعان. Peugeot سۇيىتىلعان گاز, پروپان-بۋتان (LPG) قوسپاسى نەگىزىندە جۇمىس ىستەيدى. قازىرگى ۋاقىتتا قالادا 200 ەكولوگيالىق كولىك قىزمەت كورسەتۋدە. ولار نەگىزىنەن قوستانايلىق «اگروماش حولدينگ» زاۋىتىندا شىعارىلعان SsangYong Kyron ماركالى كولىكتەر. جالپى, «ەكوتاكسي» ينۆەستيتسيالىق جوباسى 2013 جىلدىڭ جەلتوقسانىندا ىسكە قوسىلعان بولاتىن. جولدىباي بازار. دەرەككوز: BusinessNews.kz. فوتو: BusinessNews.kz.