بايقاۋدىڭ بيىلعى باستى تاقىرىپتارى كەلەسىدەي:
• قازاقستان ەكونوميكاسىنىڭ, كومپانيالارىنىڭ, ماماندارىنىڭ دامۋى;
• يمپورتتى الماستىرۋ, يننوۆاتسيالىق تەحنولوگيانى قولدانۋ;
• قازاقستان پارلامەنتى ءماجىلىسى مەن ءماسليحاتى دەپۋتاتتارىنىڭ سايلاۋى;
• عىلىمداعى, زاڭنامالارداعى, ەكولوگياداعى, دەنساۋلىق ساقتاۋ سالاسىنداعى, ءبىلىم مەن مادەنيەتتەگى جاڭالىقتار مەن ماسەلەلەر;
• تابيعي اپاتتار كەزىندەگى قازاقستان ازاماتتارىنىڭ كومەگى, كۇندەلىكتى ومىردەگى قايىرىمدىلىق جانە ءوزارا كومەك:
• سپورت جانە سالاۋاتتى ءومىر سالتى;
• جاس دارىندار: ءتۇرلى سالاداعى تالانتتى جاستار, جاسوسپىرىمدەر, بالالار تۋرالى ماتەريالدار.
ءداستۇرلى تۇردە بايقاۋعا قاتىسۋشىلاردىڭ تاقىرىبى دا, فورماسى مەن جانرلارى دا ءار ءتۇرلى بولادى. بايقاۋعا 2022 جىلدىڭ 1 ماۋسىمىنان باستاپ 2023 جىلدىڭ 1 ماۋسىمىنا دەيىن جاريالانعان ماتەريالدار, فوتوسۋرەتتەر, راديو-بەينەسيۋجەتتەر قابىلدانادى. بايقاۋعا جىبەرىلگەن ماتەريالدار سانى 5-تەن كوپ بولماۋى كەرەك.
ماتەريالدار 2023 جىلدىڭ 10 ماۋسىمىنا دەيىن قابىلدانادى.
ماتەريالدار مەن انكەتالىق مالىمەتتەردى union-press@kazmedia.kz پوچتاسىنا ماتەريالدارعا سىلتەمە كورسەتە وتىرىپ, تەك ەلەكتروندى تۇردە جولداۋ كەرەك. ساۋالنامادا جۇمىس ورنى, قىزمەتى, مەكەن-جايى, تەلەفونى جانە ماتەريالدارىنىڭ قانداي باسىلىمداردا جاريالانعانىن كورسەتۋ قاجەت.
بايقاۋ قورىتىندىسى 20 ماۋسىمدا شىعادى, ال 2023 جىلدىڭ 28 ماۋسىمىندا الماتىدا ماراپاتتاۋ ءراسىمى وتەدى.
بايقاۋ تۋرالى قوسىمشا اقپارات جۋرناليستەر وداعىنىڭ Facebook پاراقشاسىندا جاريالانادى.
