قارجىلىق مونيتورينگ اگەنتتىگىنىڭ قىزىلوردا بويىنشا دەپارتامەنتى جالعان بانكنوتتاردى وتكىزۋ دەرەگىن اشكەرەلەدى. قىلمىستىق ءىس بويىنشا تەرگەۋ امالدارى اياقتالىپ, ءىس ماتەريالدارى سوتقا جىبەرىلدى.
«كۇدىكتى نومينالى 20 000 تەڭگەلىك جالعان بانكنوتتاردى باسىپ شىعارىپ, دۇكەندەردە جۇمساپ, قايتارىمىنا قر ۇلتتىق بانكىنىڭ تۇپنۇسقا بانكنوتتارىن الىپ وتىرعان. تۇرعىن ءوز كىناسىن تولىق مويىندادى. كريميناليست مامانداردىڭ زەرتتەۋىنە سايكەس, وتكىزىلگەن بانكنوتتار قر ۇلتتىق بانكىنىڭ اقشا بەلگىسىنە سايكەس كەلمەيدى, بۇل «اقشا» پرينتەر ارقىلى باسىپ شىعارىلعانى انىقتالدى», دەلىنگەن حابارلامادا.
ايتا كەتسەك, قازاقستاندا بۇل قىلمىس ءۇشىن 5 جىلدان 10 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
