وبلىس بويىنشا بيىل 28 495 ءتۇپ اعاش ەگۋ جوسپارلانعان ەدى, ال, ناقتى ناتيجە 135 مىڭعا جۋىقتادى. تەك «ورمان جانە جانۋارلار الەمىن قورعاۋ جونىندەگى جاڭاارقا شارۋاشىلىعى» كمم 4 گەكتار جەرگە 133320 اعاش ەگىپ تاستادى. قالالار مەن اۋدانداردا دا ساياباقتار مەن كوشەلەردىڭ بويىنا ەگىلگەن جاس اعاشتار جاڭا كوكتەمنىڭ لەبىن سەزدىرىپ تۇر.
– بىزدە اعاش ەگۋدە ءمىن بولمايدى. بىراق, سودان كەيىنگى باپتاۋى, كۇتىمىنە كەلگەندە كۇمىلجىپ قالاتىنىمىز بار. ايتالىق, وتكەن جىلى قالاداعى قوعام بەلسەندىلەرى ءوزىمىز دەمەۋشى تاۋىپ, كوشەتتەر ساتىپ الىپ, قالاداعى ساياباقتارعا ەككەن بولاتىنبىز. سۋعارۋمەن اينىلاساتىن مەردىگەرلەر انىقتالعانشا, سول ەككەن اعاشتاردى ءوزىمىز سۋعارىپ جۇردىك. مەردىگەر انىقتالعاسىن, سولارعا تابىستادىق. اقىرى نە بولدى؟ الگى مەردىگەردىڭ مىندەتىن شالا اتقارۋى سالدارىنان ەگىلگەن اعاشتىڭ جارتىسى قۋراپ قالدى. سوندىقتان اعاشتى ەگۋدەن بۇرىن ونىڭ كۇتىمىنە قاتاڭ باقىلاۋ جاساماي بولمايدى, – دەيدى جەزقازعاندىق قوعام بەلسەندىسى مارحات حاميت.
ەگىلەتىن اعاش تا اسپاننان تۇسە قالمايدى, نەگىزىنەن بيۋدجەت قارجىسىنا ساتىپ الىنادى. ەندەشە, ءاربىر تامىرانلانباعان نەمەسە قۋراپ قالعان اعاش تا حالىق قارجىسىن جەلگە ۇشىرۋ بولىپ سانالادى.
ۇلىتاۋ وبلىسى
