26 ءساۋىر كۇنى ساعات 11:00-دە بايقوڭىر اۋدانىنىڭ بەلسەندى ۇزاق ءومىر ءسۇرۋ ورتالىعىندا «قازاقستان – ءبىزدىڭ ورتاق ءۇيىمىز» اتتى مەرەكەلىك اقپاراتتىق-تاقىرىپتىق كەزدەسۋ ۇيىمداستىرىلادى. ءبىر ساعاتتان كەيىن وسى ورتالىقتا سارىارقا اۋدانىندا «1 مامىر – كوكتەم مەن ەڭبەك مەرەكەسى» اتتى كونتسەرتتىك باعدارلاما وتەدى.
27 ساۋىردە مۇعالىمدەر اللەياسىندا «ونەرلى قول — باقىتقا جول» جوباسى اياسىندا كىتاپ كورمەسى ۇيىمداستىرىلادى. سول كۇنى ساعات 11:00-دە «نۇرلى جۇرەك» الەۋمەتتىك قىزمەت كورسەتۋ ورتالىعى «1 مامىر - قازاقستان حالقىنىڭ بىرلىگى كۇنى» كونتسەرتتىك باعدارلاماسىن, ال «قامقور» ورتالىعى - ء«بىر شاڭىراق استىندا» فلەشموبىن وتكىزەدى.
28 ساۋىردە ەلوردالىق دوستىق ۇيىندە «مەملەكەتتىك ءتىل - قازاق ءتىلى ەلىمىزدەگى تۇرىپ جاتقان بارلىق قازاقستاندىقتاردى بىرىكتىرەتىن كۇش» تاقىرىبىندا دوڭگەلەك ۇستەل وتەدى. وعان قالانىڭ ەتنومادەني بىرلەستىكتەرىنىڭ وكىلدەرى قاتىسادى.
ەلوردانىڭ جوعارى وقۋ ورىندارىندا بۇل كۇنى ارنايى تاقىرىپتاعى تاربيەلىك ساعاتتار, كۆيزدەر وتكىزىلەدى.
«شاراپات» الەۋمەتتىك قىزمەت كورسەتۋ ورتالىعىندا ساعات 11:00-دە «ىنتىماق, بىرلىك, كەلىسىم - ەڭ باستى بايلىق ەل ءۇشىن» كونتسەرتتىك باعدارلاماسى, ء«ۇمىت» داعدارىس ورتالىعىندا - «كوڭىلدى ستارتتار» جارىسى, «جانسايا» ورتالىعىندا بالالارعا ارنالعان كونتسەرتتىك باعدارلاما ۇيىمداستىرىلادى.
سونىمەن قاتار 28 ساۋىردە Esil University-دە قازاقستان ەتنوستارىنىڭ سالت-داستۇرلەرىنە ارنالعان كونكۋرس, ە. سەركەباەۆ اتىنداعى №3 بالالار مۋزىكالىق مەكتەبىندە «مەنىڭ ەلىم - قازاقستان» كونتسەرتى ۇيىمداستىرىلادى.
ساكەن سەيفۋللين مۇراجايى 28 ءساۋىر مەن 3 مامىر ارالىعىندا «باقىت جولىندا» كورمەسىنە شاقىرادى.
29 ساۋىردە سارىارقا اۋدانىنىڭ 25 جىلدىعىنا جانە قازاقستان حالقىنىڭ بىرلىگى كۇنىنە وراي ەلوردا تۇرعىندارى اراسىندا سپارتاكيادا وتەدى. جازۋشىلار اللەياسىندا ەتنومادەني بىرلەستىكتەردىڭ, مادەنيەت جانە ءبىلىم بەرۋ وبەكتىلەرىنىڭ قاتىسۋىمەن مەرەكەلىك باعدارلاما ۇيىمداستىرىلادى.
ءتۇرلى ءىس-شارالار 1 مامىرعا جوسپارلانعان. ساعات 11:00-دە جازۋشىلار اللەياسىندا ۇلتتىق سپورت تۇرلەرى بويىنشا جارىستار وتەدى. ال ترياتلون ساياباعىندا ەتنومادەني بىرلەستىكتەر مەن ەلشىلىكتەردىڭ وكىلدەرى سالتاناتتى تۇردە اعاش وتىرعىزادى. مۇندا كورمە-جارمەڭكە ۇيىمداستىرىلادى.
ماسەلەن, 1 مامىر كۇنى «بايتەرەك» مونۋمەنتى مەن قالا الاڭىنىڭ جانىنداعى الاڭدا ساعات 12:00-دە مەرەكەلىك ءىس-شارالار باستالادى. قوناقتارعا ارناپ قالا ۇيىمدارىنىڭ شىعارماشىلىق ۇجىمدارىنىڭ, مەملەكەتتىك اكادەميالىق فيلارمونيا ارتىستەرىنىڭ جانە وتاندىق ەسترادا جۇلدىزدارىنىڭ قاتىسۋىمەن كونتسەرت وتەدى. ءىس-شارالار قالانىڭ اۋلا كلۋبتارىندا, ساياباقتاردا وتكىزىلەدى. بۇل كۇنى ەلوردادا سۋبۇرقاقتار ىسكە قوسىلادى.
بۇدان باسقا, سپورتتىق-بۇقارالىق ءىس-شارالاردى EXPO حالىقارالىق كورمە ورتالىعىنىڭ, «اتاتۇرىك», «كوكتال» ساياباقتارىنىڭ, «قازاق ەلى» مونۋمەنتىنىڭ ماڭىندا وتكىزۋ جوسپارلانعان. قالا تۇرعىندارى ۇلتتىق سپورت تۇرلەرى بويىنشا, ونىڭ ىشىندە اسىق اتۋ, ارمرەستلينگ, ارقان تارتۋ جانە گىر كوتەرۋ بويىنشا جارىستارعا قاتىسا الادى.
ترياتلون ساياباعىندا سپورتسۇيەر قاۋىمدى مەرەكەلىك مارافون كۇتىپ تۇر.
بۇل كۇندەرى اۋدان اكىمدىكتەرىندە كوپبالالى انالارعا «التىن القا» جانە «كۇمىس القا» توسبەلگىلەرى تابىستالادى.
