ءباسپاسوز سالونى قۇرامىنداعى وڭىرلىك اۆتورلار, باسپالار مەن كىتاپ ساتۋ ۇيىمدارىنا وزدەرىن, توپتامالارىنداعى جاڭالىقتارىن كورسەتىپ, پايدالى ىسكەرلىك تانىستىق ورناتتى. ءوز ونىمدەرى مەن تەحنولوگيالارىنا نازار اۋدارتۋعا ەرەكشە مۇمكىندىك جاسادى.
كىتاپحانادا «شىعىس اقپارات», «ارگو» باسپالارى, جوعارى وقۋ ورىنداردىڭ ۋنيۆەرسيتەتتىك باسپالارى جانە «زۆەنو التايا» ادەبي بىرلەستىگى مۇشەلەرى, «Tŏr Altai», «التاي يزۋمرۋدنىي», «كەدر» ادەبي جۋرنالدارىنىڭ رەداكتسيالىق القالارى ءوز ەكسپوزيتسيالارىن كەلۋشىلەر نازارىنا ۇسىندى.
جاڭا بۇقتىرما كەنتىنەن وسى ءىس-شاراعا ارنايى كەلگەن ناتاليا سترەلتسوۆا بالالارعا ارنالعان «حوچۋ نا مالەنكي وستروۆ» جانە «لۋننايا كوشكا» ولەڭدەر جيناقتارىن ۇسىنسا, جازۋشى ساۆەلي مۋجچيل ءوز كىتاپتارىن تانىستىردى.
جۋرناليست الىبەك قاڭتارباەۆ, اقىن, جۋرناليست گەننادي پۋسسەپ سىندى زيالى قاۋىم وكىلدەرى مەرەكەمەن قۇتتىقتاپ, ىزگى لەبىزدەرىن ءبىلدىردى.
باسپا ونىمدەرىنىڭ كورمەسى, كىتاپ جارمەڭكەسى 23 ساۋىرگە دەيىن جۇمىس ىستەدى. وڭىردە ادەبيەتتىڭ زاماناۋي دامۋ تەندەنتسيالارىنا قىزىعۋشىلىق تانىتقان وقىرمان ءىس-شاراعا كەلىپ, تىڭ دۇنيەلەرمەن تانىستى.
