پەتروپاۆل قالاسى اكىمدىگى ءباسپاسوز قىزمەتىنىڭ مالىمەتىنشە, بۇگىن جىلىتۋ ماۋسىمى رەسمي اياقتالعانىمەن بۇل پروتسەسس كەزەڭ-كەزەڭىمەن جۇرگىزىلىپ, شامامەن 10 كۇنگە سوزىلادى.
ەڭ ءبىرىنشى كەزەكتە جىلۋدان كوپقاباتتى ۇيلەر اجىراتىلادى. بالاباقشالار, ءبىلىم بەرۋ ۇيىمدارى مەن مەديتسينالىق مەكەمەلەرگە كەزەك كەيىن جەتەدى.
جىلىتۋ ماۋسىمىن اياقتاۋ تۋرالى شەشىم اۋا رايىنىڭ تۇراقتالۋىنا بايلانىستى قابىلدانادى. ول ءۇشىن ورتاشا تاۋلىكتىك تەمپەراتۋرا 3 كۇن بويى +10 گرادۋستان تومەن بولماۋى ءتيىس.
«قازگيدرومەت» رمك-نىڭ مالىمەتىنشە, پەتروپاۆلدا الداعى ءۇش كۇندە اۋا تەمپەراتۋراسى +23 گرادۋسقا دەيىن جىلىنادى. جاۋىن-شاشىن كۇتىلمەيدى.
