«وزگەرىس اياسىندا 4 كۇندىك, 5 كۇندىك جانە 6 كۇندىك جۇمىس اپتاسىن كەزەكپەن اۋىستىرۋ قاراستىرىلادى. مىسالى, ءبىر اپتا 5 كۇندىك بولسا, ەكىنشى اپتادا 4 كۇن جۇمىس ىستەۋگە بولادى. بۇل جۇمىس كەستەسى قىزمەتكەردىڭ ءوتىنىشى بويىنشا جۇمىس بەرۋشىنىڭ كەلىسىمىمەن بەكىتىلۋى مۇمكىن. ءسويتىپ, 4 كۇن جۇمىس ىستەيتىن قىزمەتكەردە قوسىمشا دەمالاتىن ءبىر كۇن پايدا بولادى», دەدى ساكەن دىلداحمەت.
س. دىلداحمەت بۇل تاجىريبەنى كەيبىر جۇمىس بەرۋشىلەر قولدانىپ جۇرگەنىن جانە ول ەڭبەك سالاسىنداعى حالىقارالىق ستاندارتتارعا سايكەس كەلەتىنىن ايتتى.
ءباسپاسوز حاتشىسى بۇل رەجيمدى ەنگىزۋ قىزمەتكەرگە جەكە جانە وتباسىلىق قاجەتتىلىكتەرمەن جۇمىس ىستەۋ مىندەتىن ۇيلەستىرۋگە مۇمكىندىك بەرەتىنىن ءمالىم ەتتى.
«مۇنداي رەجيمدە جۇمىس ىستەۋ قىزمەتكەر ءۇشىن جىل سايىنعى اقىلى ەڭبەك دەمالىسىنىڭ ۇزاقتىعىنا, ەڭبەك كودەكسىندە, ەڭبەك, ۇجىمدىق شارتتاردا جانە كەلىسىمدەردە بەلگىلەنگەن ەڭبەك سالاسىنداعى ەڭبەك ءوتىلىن جانە باسقا دا قۇقىقتارىنا شەكتەۋلەر تۋعىزبايدى», دەپ تۇيىندەدى ول.
