ەلەكتروندىق ۇكىمەت پورتالىنىڭ قىزمەت كورەتۋ دەڭگەيى ارتىپ كەلەدى

استانا. 9 شىلدە. سوڭعى 6 ايدىڭ ىشىندە ەلىمىز بويىنشا egov.kz ەلەكتروندىق ۇكىمەت پورتالى ارقىلى 17,4 ملن. جۋىق ەلەكتروندىق قىزمەت كورسەتىلگەن. بۇل تۋرالى i-news.kz حابارلادى. ەلەكتروندىق ۇكىمەت تاراپىنان ۇسىنىلعان قىزمەتتەردىڭ ىشىندە جىلجىمايتىن م ۇلىككە (2,9 ملن. انىقتاما) جانە زەينەتاقى اۋدارىمدارىنا قاتىستى (2,4 ملن. انىقتاما) انىقتامالار الۋعا كوپ سۇرانىس بولعان. بۇدان بولەك, egov.kz ارقىلى بالاباقشادان كەزەك الۋ ءۇشىن 100 مىڭنان استام ادام پورتال قىزمەتىنە جۇگىنسە, 32 جۇپ نەكەلەرىن تىركەۋگە ەلەكتروندىق ءوتىنىش بەرگەن. پورتال ارقىلى ەلەكتروندىق تولەمدەردى قابىلداۋ سانى دا ارتۋدا. ماسەلەن, العاشقى 6 ايدا 924 ملن. تەڭگە كولەمىندە ءتۇرلى تولەمدەر پورتال ارقىلى ءتيىستى ەسەپ-شوتتارعا اۋدارىلعان. سونىمەن قاتار, ءبىرىنشى جارتىجىلدىق بويىنشا egov.kz-گە 727 مىڭ جاڭا پايدالانۋشى تىركەلگەن. ولاردىڭ 16,5 مىڭى زاڭدى تۇلعالار. قازىرگى تاڭدا ەلىمىزدىڭ ۇكىمەتتىك egov.kz پورتالىندا بارلىعى 570 ەلەكتروندىق قىزمەت پەن ينتەراكتيۆتى سەرۆيس قىزمەتى قولجەتىمدى. ەستەرىڭىزگە سالا كەتەيىك, 2014 جىلدىڭ ماۋسىم ايىندا جاريالانعان ەلەكتروندىق ۇكىمەت دامۋىنىڭ دەڭگەيى بويىنشا بىرىككەن ۇلتتار ۇيىمىنىڭ رەيتينگىندە ەلىمىز 193 ەلدىڭ اراسىندا 28-ورىنعا يە بولدى. وسىنىڭ ارقاسىندا رەسپۋبليكامىزعا ەلەكتروندىق ۇكىمەت بويىنشا جاھاندىق فورۋم وتكىزۋگە قۇقىق بەرىلدى. بۇل جيىن 2014 جىلدىڭ 6, 7 قازانىندا ەلوردادا وتەدى دەپ كۇتىلۋدە. جولدىباي بازار. دەرەككوز: i-news.kz. فوتو: diapazon.kz.