ەلىمىزدە ەكولوگيالىق ءدالىز العاش رەت قۇرىلدى

استانا. 9 شىلدە. مەملەكەتىمىزدە العاش رەت ەكولوگيالىق «ىرعىز-تورعاي-جىلانشىق» ءدالىزى قۇرىلدى. ونىڭ جالپى اۋماعى 2 ملن. گەكتاردى قۇراپ وتىر. بۇل تۋرالى Kazakhstan today حابارلادى. قورشاعان ورتا جانە سۋ رەسۋرستارى مينيسترلىگى تاراپىنان ايتىلعانداي, بۇل ەكولوگيالىق ءدالىز ىرعىز-تورعاي تابيعي قورىعى مەن «التىن دالا» (قوستاناي وبلىسى) اۋماعىن قامتيدى. مۇنى قۇرۋداعى ماقسات – كيىكتەردى تابيعي كوشى-قون جولدارىمەن قورعاۋ ءۇشىن كەڭىستىك بايلانىسىن ورناتۋ جانە ولاردىڭ بەتپاق دالاداعى سانىن ارتتىرۋ. حابارلامادا كورسەتىلگەندەي, اتالعان ەكولوگيالىق ءدالىزدى قۇرۋ بارىسىندا دالالىق ەكوجۇيە, جەر, كليمات پەن كيىكتەردى سپۋتنيكتىك باقىلاۋ مالىمەتتەرىن پايدالانۋ ەسكەرىلگەن. ايتا كەتەيىك, اتالعان ءدالىز بۇۇ, جاھاندىق ەكولوگيالىق قور جانە ەلىمىزدىڭ ورمان جانە اڭشىلىق كوميتەتىنىڭ بىرلەسكەن جوباسىن ىسكە اسىرۋ اياسىندا قۇرىلدى.  بۇل جۇمىستاردىڭ ناتيجەسىندە دالالىق ەكوجۇيەنى ساقتاۋ قامتاماسىز ەتىلمەك. جولدىباي بازار. دەرەككوز: Kazakhstan today. فوتو: azh.kz.