قۇرلىقتىق بىرىنشىلىككە ازيانىڭ 11 ەلىنەن 80-نەن استام تاتامي شەبەرى قاتىسادى. اتاپ ايتقاندا, استانا تاتاميىندە قازاقستان, وزبەكستان, قىرعىزستان, جاپونيا, موڭعوليا, ءۇندىستان, قىتايلىق تايپەي, يندونەزيا, يران, وڭتۇستىك كورەيا جانە تايلاند سپورتشىلارى باق سىنايدى.
اتالعان جارىستا قازاقستان ۇلتتىق قۇراماسىنان J1 جانە J2 ساناتى بويىنشا 22 دزيۋدوشى باق سىنايدى.
«ازيا چەمپيوناتىنا دايىندىق تىڭعىلىقتى ءجۇرىپ جاتىر. قازىرگى تاڭدا قۇراما الماتىدا جارىس الدىنداعى سوڭعى قورىتىندى جاتتىعۋ جيىنىندا شەبەرلىكتەرىن شىڭداۋدا. ازيا چەمپيوناتىنا قاتىساتىن سپورتشىلار قاتارىندا تاجىريبەلى بالۋاندار دا, جاس سپورتشىلار دا بار.
قۇرلىقتىق باسەكە ءوز ەلىمىزدە وتەتىن بولعاندىقتان جاۋاپكەرشىلىك وتە جوعارى. سپورتشىلارىمىزدىڭ فيزيكالىق, پسيحولوگيالىق تۇرعىدان جاعدايلارى جاقسى. ەلوردامىزدا وتەتىن جارىستا قۇراماداعى ءاربىر سپورتشى ناتيجەلى كۇرەس كورسەتەدى, ەل نامىسىن ابىرويمەن قورعايدى دەپ سەنەمىن», دەيدى پارا دزيۋدودان قازاقستان قۇراماسىنىڭ باس باپكەرى جاندوس قيانوۆ.
ازيا چەمپيوناتى استانا قالاسىنداعى جاقسىلىق ۇشكەمپىروۆ اتىنداعى جەكپە-جەك سارايىندا وتەدى.
پارا دزيۋدودان ازيا چەمپيوناتىنا قاتىساتىن قازاقستان ۇلتتىق قۇراماسىنىڭ ءتىزىمى كەلەسىدەي:
ايەلدەر
J2 -48 كگ: اقمارال ناۋاتبەك;
J1 -57 كگ: الفيا تىلەكقابىل, ديلوروم ديحانوۆا;
J2 -57 كگ: دايانا فەدوسوۆا;
J1 -70 كگ: دينارا كۋدجۋلوۆا;
J2 -70 كگ ديانا: بولەكوۆا;
J1 +70 كگ: زاۋرە ايتەك.
ەرلەر
J1 -60 كگ: مۇرات مادينوۆ, تەمىربولات تاشەكەنوۆ;
J2 -60 كگ: انۋار ساريەۆ;
J1 -73 كگ: ەرعالي شامەي, اسىلان نۇرداۋلەتوۆ;
J2 -73 كگ: ولجاس ورازالىل ۇلى, ازامات نوكۋشەۆ;
J1 -90 كگ: ابىلاي ادىلبەكوۆ, باۋىرجان ارىستانبەكوۆ;
J2 -90 كگ: جانبوتا امانجول, عالىمجان سماعۇل ۇلى;
J1 +90 كگ: ەرلان وتەپوۆ, باعلان وڭالبەك;
J2 +90 كگ: ەرلان كونكيەۆ, تالعات اجعاليەۆ.
